AUDAના બજેટમાં લગભગ ચાર ગણો વધારો જાણો અમદાવાદની કાયાપલટ માટેની જોગવાઈઓ

ઔડા દ્વારા બજેટને લઈને બેઠકનું આયોજન કરાયુ હતુ. જેમાં વર્ષ 2019 -20ના બજેટમાં વધારો કરવામાં આવ્યો હતો. મળતી માહિતી મુજબ અત્યાર સુધીનું બજેટ રૂપિયા 200 કરોડનું હતું. જે વધારીને રૂપિયા 752 કરોડ કરવામાં આવ્યુ છે. તો બજેટ સામે ઔડાએ રૂપિયા 377 કરોડની આવક નિર્ધારણ કરી હતી.

મળતી માહિતી મુજબ આ બજેટમાં રોડ ગટર પાણી અને બ્રિજના કામનું આયોજન કરવામાં આવ્યુ છે. તો સાથે સાથે સાબરમતી સ્ટેશન પાસે હાઇ સ્પીડ ટ્રેનના ડેવલોપમેન્ટના કામનું પણ આયોજન કરાયુ છે. તેમજ સરદાર પટેલ રિંગરોડને રૂપિયા 200 કરોડના ખર્ચે 6 લેન કરવા માટે મહત્વ આપવામાં આવ્યુ છે.

મહત્વનું છે કે આ બજેટમાં ઔડાના હાલ જે વિવિધ વિકાસના કામો ચાલુ છે તેના માટે રૂપિયા 620 કરોડ અને નવા કામો માટે રૂપિયા 98 કરોડ સાથે કુલ રૂપિયા 718 કરોડનો સમાવેશ કરવામાં આવ્યો છે. બજેટનું સરેરાશ કદ ગત વર્ષે 482 કરોડની સામે 752 કરોડ થાય છે. જે 156 ટકા વધુ છે. અને તેની સામે આવક મર્યાદા 377 કરોડ છે.