મહિસાગરના સંતરામપુરમાં ગર્ભપાત રેકેટનો પર્દાફાશ થયો છે, જેના કારણે જિલ્લામાં હડકંપ મચી ઉઠ્યો છે. જોકે સમગ્ર મામલે આરોગ્ય વિભાગ અજાણ હોવાનું સામે આવ્યું છે.
મહીસાગર જિલ્લામાં ગર્ભપાતનું મોટું રેકેટ સામે આવ્યું છે. જેના કારણે આસપાસના વિસ્તારોમાં પણ ચકચાર મચી જવા પામી છે. મહિલાના પેટમાંજ બાળકની હત્યા કરવાનો વીડિયો સામે આવ્યો છે. જેના કારણે સમગ્ર જિલ્લામાં ખળભળાટ મચી ઉઠ્યો છે. સાથેજ લોકોમાં અહીયા રોષનો માહોલ પણ ફેલાયો છે.
મંજૂરી વગર ગર્ભપાત
જિલ્લામાં અનેક જગ્યાએ મંજૂરી વિના ગર્ભપાત કરવામાં આવી રહ્યા છે. તેવી માહિતી સામે આવી છે. સાથેજ વીડિયો પણ સંતરામપુરનો હોવાનું સામે આવ્યું છે. જે વીડિયો સામે આવ્યો છે. તેમા 4 મહિલાઓ ગર્ભવતી મહિલાનો ગર્ભપાત કરી રહી છે.
અવવારુ જગ્યાએ મહિલાનો ગર્ભપાત
સંતરામપુરમાં અનેક જગ્યાએ ગર્ભપાતનું રેકેટ ચાલી રહ્યું છે. જેના કારણે લોકોમાં હવે રોષ ફેલાયેલો છે. અહીયા ગર્ભવતી મહિલાઓને હોસ્પિટલમાંથી ઈન્જેકશન આપીને અન્ય જગ્યાએ લઈ જવામાં આવે છે. જેમા મોટા ભાગે અવાવરુ જગ્યાએ લઈ જઈને તેમનો ગર્ભપાત કરવામાં આવતો હોય છે.
આરોગ્ય વિભાગ અજાણ
ઉલ્લેખનીય છે કે રહેણાંક મકાન ભાડેથી લઈને મહિલાઓના ગર્ભપાત કરવામાં આવી રહ્યા છે તેવી માહિતી સામે આવી છે. બીજી તરફ આ મામલે આરોગ્ય વિભાગનું કહેવું છે કે તેમની પાસે કોઈ માહિતી નથી. ત્યાારે લોકોની માગ છે કે આ રેકેટ પાછળ સંકળાયેલા લોકોની ધરપકડ કરવામાં આવે.