બિલ / USના આ શહેરમાં લાગ્યો ગર્ભપાત પર પ્રતિબંધ, ડૉક્ટરને થશે 99 વર્ષની સજા

બિલ પર ચાર કલાકથી વધારે સમય સુધી ચર્ચામાં રિપબ્લિકનની આગેવાની વાળી સેનેટે 'HB314'ને 25-6થી પસાર કરવામાં આવ્યો. જે બાદ ગર્ભપાત કરનારા ડૉક્ટરોને 99 વર્ષ સુઘીની જેલની સજા થઇ શકે છે. અમેરિકાના અલબામા પ્રાંતમાં હાઉસે આ મહીનાની શરૂઆતમાં વિધેયક પસાર કરવામાં આવ્યું હતું. જોકે પસાર કરવામાં આવેલા વિધેયકમાં કેટલાક મામલામાં ગર્ભપાત કરવાની છુટ આપવામાં આવી છે. જેમા બાળકના જન્મ દરમિયાન માતાના સ્વાસ્થ્યને ગંભીર ખતરો હોય અથવા જન્મ પહેલા ગર્ભમાં બાળકને કોઇ બિમારી હોય. 

ડેમોક્રેટ નેતાઓએ દુષ્કર્મ અને કૌટુંબિક યૌન હિંસાની શિકાર મહિલાઓને છૂટ આપવા માટે સંશોધિત વિધેયક રજૂ કર્યું હતું. પરંતુ તે 11-21 વોટોથી નામંજૂર કરી દેવાયું હતું. આ વિધેયક પર સાઇન કરવા માટે રિપબ્લિકન ગવર્નર કે આઇવે પાસે છ દિવસનો સમય હતો. જોકે વિધેયક પહેલા છ મહીનામાં ત્યાં સુધી અમલમાં નહીં આવે જ્યાં સુધી તે કાયદામાં પરિવર્તિત ન થાય.

આઇવે એ સાર્વજનિક રૂપે તેના પર કોઇ પ્રતિક્રિયા આપી નથી. જોકે બિલ પસાર થયા પહેલા પોતાને ગર્ભપાત વિરોધી તરીકે રજૂ કરી ચૂક્યા છે. આઇવેની પ્રવક્તા લોરી જોન્સના એક નિવેદનમાં કહ્યું, જેવું કે તમે જાણો છો કે આ બિલ હજુ કાનૂની પ્રક્રિયામાં છે. ગવર્નર તેના પર ત્યા સુધી ટિપ્પણી નથી કરવા માંગતા જ્યા સુધી તે અંતિમ મહોર માટે તેમના ડેસ્ક સુધી નથી પહોંચી જતો.