વડોદરાઃ સરકારે જૂની નોટો બંધ કરી નવી નોટો ચલણમાં મૂકી છે. તમે છતાં કેટલાક તત્વો ઝડપથી અમિર બની જવા માટે કિમિયા અજમાવતા હોય છે. તેવો જ કિસ્સો વડોદરામાં બહાર આવ્યો છે નિશાન નગરમાં રહેતા આબીદ મહંમદ ઈદ્રીસભાઈ પઠાણે ડુપ્લીકેટ નોટો બજારમાં મુકવાના ઇરાદે ફરી રહ્યો હતો.
તેની ધરપકડ કરી તાપસ કરતા આબિદ મહમ્મદના ઘરેથી પોલીસને 10 લાખની ડુપ્લીકેટ ચલણી નોટો મળી આવી હતી. પોલીસે આબિદના ઘરેથી 2 હજારની 77નોટ 500ના દરની 1700 નોટો 100ની 238 નોટો પ્રિન્ટર અને એક રીક્ષા મળી આવી હતી.
પોલીસે વધુ તપાસ કરતા બહાર આવ્યું છે કે આબિદ પોતાના મોટાભાઈને જેલમાંથી છોડાવવા માટે પૈસાની જરૂર હોવાથી આ ગુનાખોરીનો રસ્તો અપનાવ્યો હતો. તેનો મોટોભાઈ આરિફ મહમદ વર્ષ 2016-17માં ડુપ્લીકેટ સર્ટી અને ડુપ્લિકેટ નોટો છાપવાના ગુનામાં હાલ જેલમાં છે. SOGની ટીમે વધુ રિમાન્ડ માટેની તજવીજ હાથ ધરી છે.