બોલિવૂડ / એક યુઝરે અભિષેક બચ્ચનને કહ્યું-તૂ એશ્વર્યાના લાયક નથી, તો એક્ટર આપ્યો આ જડબાતોડ જવાબ, જાણી લો

• અભિષેકની આગામી ફિલ્મ ધ બિગ બુલના ટ્રેલર પર એક યુઝરે કમેન્ટ કરી
• યુઝરે એશ્વર્યાને લઈને અભિષેકને કર્યો ટ્રોલ
• યુઝરે કહ્યું- તૂ કોઈ કામનો નથી દોસ્ત

બોલિવૂડ એક્ટર અભિષેક બચ્ચન તેના શાંત સ્વભાવ માટે જાણીતો છે. પરંતુ જ્યારે પણ કોઈ તેના અંગત જીવનમાં દખલ કરવાનો પ્રયત્ન કરે છે ત્યારે અભિષેક તેને સબક શીખવાડવામાં પીછેહઠ નથી કરતો. આવું જ કંઈક તેની સોશિયલ મીડિયા પોસ્ટ્સ પર જોવા મળ્યું. હકીકતમાં તેની આગામી ફિલ્મ ધ બિગ બુલના ટ્રેલર પર એક યુઝરે કમેન્ટ કરી, તૂ કોઈ કામનો નથી દોસ્ત. આટલું જ નહીં તેણે કહ્યું કે તે તેની સુંદર પત્ની એશ્વર્યા રાય બચ્ચનના લાયક પણ નથી. જેથી અભિષેકે ટ્રોલરને જડબાતોડ જવાબ આપ્યો.

Ok. Thank you for your opinion. Just curious.. who are you referring to because you’ve tagged a whole load of people? I know Ileana & Niki aren’t married that leaves the rest of us (Ajay, Kookie, Sohum) soooo...
P.S- will get back to you about @DisneyplusHSVIP ‘s marital status.

— Abhishek Bachchan (@juniorbachchan) March 20, 2021

અભિષેકે યુઝરની કમેન્ટનો જવાબ આપ્યો અને લખ્યું, તમારા અભિપ્રાય બદલ આભાર. પરંતુ હું એ જાણવા માટે બેતાબ છું કે તમે કોના વિશે વાત કરી રહ્યાં છો? કારણ કે તમે બધાંને ટેગ કર્યા છે. જ્યાં સુધી હું જાણું છું ઈલિયાના અને નિક્કી મેરિડ છે. તો બચ્યો હું, અજય, કૂકી અને સોહમ. લાગે છે કે ડિઝનીનું પણ મેરિટલ સ્ટેટસ ચેક કરવું પડશે. રમૂજી અંદાજમાં અભિષેકે જે રીતે ટ્રોલરને જડબાતોડ જવાબ આપ્યો એ તેના ફેન્સને ખૂબ પસંદ આવી રહ્યું છે. લોકો માને છે કે આવા યુઝર્સને આ જ રીતે જવાબ આપવો જોઈએ, ત્યારે જ તેમને બુદ્ધિ આવે છે.

અભિષેકને ગણાવ્યો બેકાર

તમને જણાવી દઈએ કે બિગ બુલના ટ્રેલર પર અભિષેક બચ્ચન પર કરવામાં આવેલી યુઝર કમેન્ટથી આ હંગામો શરૂ થયો. તેણે લખ્યું, દોસ્ત, તૂ કોઈ કામનો નથી. ફક્ત એક જ વસ્તુની મને ઇર્ષા થાય છે કે તને આવી સુંદર પત્ની મળી છે અને તૂ તેને પણ ડિઝર્વ નથી કરતો, તૂ એના લાયક નથી.  

તમને જણાવી દઈએ કે ગયા વર્ષે પણ અભિષેક બચ્ચનને એક યુઝરે કામ માટે ટ્રોલ કર્યો હતો. તેણે કમેન્ટ કરી હતી કે એવું નથી લાગતું કે તને ફક્ત તારા પિતા અમિતાભ બચ્ચનના કારણે જ કામ મળે છે. જેના પર અભિષેકે યુઝરને જડબાતોડ જવાબ આપ્યો હતો અને લખ્યું હતું- કાશ તમે જે કહી રહ્યાં છો એ હકીકત હોત તો મને કેટલું કામ મળતું.