બોલીવુડ અભિનેતા અભિષેક બચ્ચનની મોસ્ટ અવેટેડ ફિલ્મ દસમીનુ ટ્રેલર રીલીઝ થયુ છે. ટ્રેલર જોઇને લાગી રહ્યું છે કે એક વખત ફરીથી અભિષેક ઓટીટી પર ધૂમ મચાવવાના છે.
અભિષેક બચ્ચનની મોસ્ટ અવેટેડ ફિલ્મ 'દસમી'નુ ટ્રેલર થયુ રીલીઝ
અભિષેક બચ્ચન ફરીથી ઓટીટી પર મચાવશે ધૂમ
અભિનેત્રી યામી ગૌતમનો અધિકારી તરીકે આકર્ષક અંદાજ
ફિલ્મ દસમીમાં અભિષેકનો દમદાર અંદાજ
ટ્રેલરમાં અભિષેક અશિક્ષિત નેતા ગંગા રામ ચૌધરીના લુકમાં શોભી રહ્યાં છે. ટ્રેલરમાં તેમનો સારો લુક અને ડાયલૉગ સારા છે. તો કડક આઈપીએસ ઓફિસર બનેલી યામી ગૌતમ સુંદર લાગી રહી છે. બિમલા દેવીનુ પાત્ર અભિનેત્રી નિમરત કૌર નિભાવી રહી છે. ટ્રેલરની શરૂઆત એક સનસનીખેજ ન્યુઝથી થાય છે. જેમાં કહેવામાં આવી રહ્યું છે કે આજે સવારની સૌથી મોટી ખબર એ છે કે શિક્ષક ભરતી ગોટાળામાં એસઆઈટી તપાસ થાય ત્યાં સુધી મુખ્યમંત્રી ગંગારામ ચૌધરીને જ્યુડિશીયલ કસ્ટડીમાં મોકલવામાં આવી રહ્યાં છે. ત્યારબાદ અભિષેક તેના જાટ લુકની સાથે સામે આવે છે. જો કે, આગળ ક્લિપમાં તેઓ સેન્ટ્રલ જેલની સામે દેખાય છે.
અભિનેત્રી યામી ગૌતમનો અધિકારી તરીકે કડક અંદાજ
ટ્રેલરમાં શિક્ષક ભરતી ગોટાળામાં ફસાયેલા મુખ્યમંત્રી ગંગારામ ચૌધરીનો હરિયાણાનો ટોન અને લુક જોઈ શકાય છે. જેલમાં એકબાજુ અભિષેક SIT તપાસનો સામનો કરી રહ્યાં છે, તો જેલમાં રહીને દસમુ ધોરણ પાસ કરવાનુ સપનુ જોઈ રહ્યાં છે. ટ્રેલરમાં કડક અધિકારી બનીને કાયદાનો દંડો પછાડી રહેલી યામી ગૌતમ દરેક વખતે અભિષેકને અભણ, ગવાર કહીને તેની મજાક ઉડાવી રહી છે. અભિષેકની વાઈફ બિમલા દેવીના પાત્રમાં અભિનેત્રી નિમરત કૌર પણ સુંદર લાગી રહી છે. ટ્રેલરમાં દરેક કલાકારોને સારી રીતે માહિતગાર કરવામાં આવ્યાં છે.
ફિલ્મ દસમી 7 એપ્રિલે થશે રીલીઝ
ઉલ્લેખનીય છે કે દસમી 7 એપ્રિલે રીલીઝ થશે. જેનુ પ્રીમિયર ઓટીટી પ્લેટફોર્મ નેટફ્લિક્સની સાથે-સાથે જિયો સિનેમા પર પણ કરવામાં આવશે. આ ફિલ્મનું નિર્દેશન તુષાર જલોટા કરી રહ્યાં છે. આ ફિલ્મથી તુષાર જલોટા ડાયરેક્ટર તરીકે ડેબ્યુ કરી રહ્યાં છે.