ના હોય! / ફિલ્મના સેટ પર ચોરી કરતો હતો અભિષેક બચ્ચન? પોતે જ કર્યો ખુલાસો ગુરૂના સેટ પરથી ચોરી આ વસ્તુ

• ફિલ્મના સેટ પર ચોરી કરે છે અભિષેક બચ્ચન? 
• વાયરલ થઈ રહ્યો છે એક શોનો વીડિયો 
• જેમાં તેના પર લગાવવામાં આવી રહ્યા છે આ આરોપ 

અભિષેક બચ્ચનની સેન્સ ઓફ હ્યુમર કેટલી જબરદસ્ત છે. તે તેના સોશિયલ મીડિયા પર સમયાંતરે જોવા મળે છે. જો કોઈ અભિષેકને ટ્રોલ કરવાનો પ્રયાસ કરે છે. તો જુનિયર બચ્ચન તેના હાજર જવાબથી તેની બોલતી બંધ કરી દે છે. તાજેતરમાં જ અભિનેતા રિતેશ દેશમુખના કોર્ટરૂમ શોમાં પહોંચ્યો હતો. જ્યાં તેના પર ફિલ્મના સેટમાંથી વસ્તુઓ ચોરી કરવાનો આરોપ લાગ્યો હતો.

રિતેશ લઈને આવી રહ્યો છે નવો શો 
હકીકતે અભિનેતા રિતેશ દેશમુખ ટૂંક સમયમાં નવો શો કેસ તો બંતા હૈ લઈને આવી રહ્યો છે. શોમાં તે ઘણા સેલેબ્સ પર આરોપ લગાવતો જોવા મળશે. આ શોનું ફોર્મેટ કોર્ટ કોમેડી સ્ટાઈલનું છે. શોમાં રિતેશ સેલેબ્સને કોર્ટમાં ઉભા રાખીને તેમની સાથે સવાલ-જવાબ કરતા જોવા મળશે.

ત્યારબાદ અભિનેતા વરુણ શર્મા તેનો બચાવ કરતા જોવા મળશે અને પ્રખ્યાત યુટ્યુબર કુશા કપિલા કોર્ટના જજ હશે. હવે આ શોનો એક પ્રોમો વાયરલ થઈ રહ્યો છે, જેમાં અભિષેક બચ્ચન કોર્ટરૂમમાં જોવા મળી રહ્યો છે.

ફિલ્મના સેટ પરથી ચોર્યો હતા ઘણા પ્રોપ્સ 
જે પ્રોમો સામે આવ્યો છે તેમાં સ્પષ્ટપણે જોઈ શકાય છે કે અભિનેતા રિતેશ દેશમુખે તેના પર ચોરીનો આરોપ લગાવતા કહ્યું છે કે 'અભિષેકે ફિલ્મના સેટમાંથી ઘણા પ્રોપ્સ ચોર્યા હતા. તેણે પોતાની ફિલ્મ ગુરુનો સેટ પણ છોડ્યો ન હતો. રિતેશની આ વાત ચોંકાવનારી છે, પરંતુ ખુદ અભિષેકે પણ આ વાત સ્વીકારી અને કહ્યું કે 'હા, તેણે ફિલ્મની હિરોઈનને પણ ચોરી લીધી હતી'.

ફિલ્મ ગુરૂથી જ શરૂ થઈ હતી લવ સ્ટોરી 
અભિષેક બચ્ચન અને ઐશ્વર્યા રાયની પહેલી મુલાકાત ફિલ્મ 'ઔર પ્યાર હો ગ્યા'ના સેટ પર થઈ હતી. આ પછી બંનેએ 'ઢાઈ અક્ષર પ્રેમ કે' અને 'કુછ ના કહો' જેવી ફિલ્મોમાં સાથે કામ કર્યું હતું. અભિષેકે ફિલ્મ ગુરુના સેટ પર ઐશ્વર્યાને પ્રપોઝ કર્યું હતું, ત્યારબાદ બંનેએ વર્ષ 2007માં લગ્ન કરી લીધા હતા. આજે બંને એક દીકરી આરાધ્યાના માતા-પિતા છે.