અભિનવ કોહલી શ્વેતા તિવારીની દીકરી પલક તિવારી પાછળ હાથ ધોઈને પડી ગયો છે. શ્વેતા અને તેની દીકરી પલકે ગયા વર્ષે અભિનવ પર ઘરેલુ હિંસા કરવાનો આરોપ લગાવ્યો હતો. તો હવે અભિનવ હવે તેની નિર્દોષતા સાબિત કરવામાં લાગી ગયો છે. જ્યારે શ્વેતા તેના કો-સ્ટાર અને મિત્ર ફરહાન ખાનને મળી ત્યારે આ બધું શરૂ થયું. આ મુલાકાતના વીડિયો અને ફોટોઝ અભિનવે સોશિયલ મીડિયા પર શેર કર્યા હતા. જે બાદ લોકોએ તેને આડે હાથ લીધો હતો અને તેના પર શ્વેતાને સ્ટોક કરવાનો આરોપ લગાવ્યો હતો.
શ્વેતા તિવારી અને તેનો પતિ અભિનવ તેમના સંબંધોને લઈને ફરી ચર્ચામાં
અભિનવે સોશિયલ મીડિયા પર શ્વેતાની દીકરી પલકની પાછળ પડી ગયો છે
અભિનવે ઈન્સ્ટાગ્રામ પર પલકની તસવીરો શેર કરી છે. જેના કારણે યુઝર્સે તેને આડે હાથ લીધો છે. લોકોને જાણવું છે કે, આખરે અભિનવ શું સાબિત કરવા માંગે છે. તે શું કરી રહ્યો છે એ કોઈને પણ સમજાઈ રહ્યું નથી. જ્યારે કેટલાક લોકો તેના વિચારસરણી પર પણ સવાલો ઊભા કરી રહ્યાં છે. યુઝર્સ કહી રહ્યાં છે કે, અભિનવે લોકોનું આદર કરવાની જરૂર છે. પોતાના આત્મસન્માન માટે લોકો સાથે આવો વ્યવહાર કરવો અયોગ્ય છે.
શ્વેતાએ ગયા વર્ષે અભિનવ પર ઘરેલુ હિંસાનો આરોપ લગાવ્યો હતો કે, તે શ્વેતા અને તેની દીકરી પર હાથ ઉપાડે છે. જ્યારે શ્વેતાની દીકરી પલકે ઈન્સ્ટાગ્રામ પર એક પોસ્ટ કરીને લખ્યું હતું-મીડિયા પાસે કોઈ તથ્યો નથી હોતા. મારી મોમ નહીં પણ હું પલક તિવારી ઘણી વખત ઘરેલુ હિંસાનો શિકાર થઈ છું. જે દિવસે ફરિયાદ નોંધાવામાં આવી એ પહેલાં તેણે મારી મોમ પર ક્યારેય હાથ ઉપાડ્યો નથી.