વિશ્વ કપમાં રવિવારે માન્ચેસ્ટરમાં ભારત પાકિસ્તાન સામે ટકરાવાના છે. ભારત પાકિસ્તાનની મેચને લઈને સમગ્ર દેશમાં ઉત્સાહનો માહોલ જોવા મળી રહ્યો છે. ઠેર ઠેર ભારતની જીત માટે પ્રાર્થનાઓ કરવામાં આવી રહી છે. ત્યારે સોશિયલ મીડિયામાં બંને દેશો વીડિયો શેર કરી રહ્યા છે.
વિશ્વ કપ 2019માં ભારત અને પાકિસ્તાન વચ્ચે માન્ચેસ્ટરનાં ઑલ્ડ ટૈફર્ડ સ્ટેડિયમમાં મહામુકાબલો થવાનો છે. ભારત પાકિસ્તાનની મેચને લઈને સોશિયલ મીડિયામાં બંને દેશના નાગરિકો મસ્તી મજાક કરી રહ્યા છે. એક બીજાને નીચું દેખાડવા માટે વીડિયો બનાવી શેર કરી રહ્યા છે.
ભારત પાકિસ્તાનની મેચ પહેલા વિંગ કમાન્ડર અભિનંદન સોશિયલ મીડિયામાં છવાયેલા છે. ભારતમાં ફાધર્સ ડે પર અબ્બુ વાળી એડ બનાવીને પાકિસ્તાન પર વાર કરાયા હતા. તો સામે પાકિસ્તાની ખાનગી ચેનલે અભીનંદનના મજાકનો વીડિયો બનાવ્યો હતો. હાલ ભારતીય ફેને વધુ એક વીડિયો અભીનંદન પર બનાવ્યો છે.
આમ હાલ બંને દેશમાં વીડિયો મારફતે એકબીજાને નીચું દેખાડવાનો પ્રયાસ કરાઈ રહ્યો છે. જો કે ખરેખર કાલે યોજાનારી મેચમાં કોણ મોકાનો ફાયદો ઉઠાવશે તે જોવું રહ્યું.