ક્રિકેટ / આ ફાસ્ટ બોલરે મચાવ્યો તરખાટ, એક ઓવરમાં ઝડપી 5 વિકેટ

• કર્ણાટકના તેજ બોલર અભિમન્યુ મિથુને સૈયદ મુશ્તાક અલી ટૂર્નામેન્ટ રચ્યો ઇતિહાસ
• અભિમન્યુ મિથુને એક જ ઓવરમાં હૈટ્રિક સહિત પાંચ વિકેટ ઝડપી નવો ઇતિહાસ રચ્યો
• મિથુન રણજી ટ્રોફી, વિજય હજારે ટ્રોફી અને સૈદ મુશ્તાક અલી ટ્રોફીમાં હૈટ્રિક લેનાર પહેલો બોલર

હરિયાણાની બેટિંગના અંતિમ ઓવરમાં અભિમન્યુ મિથુને કંઇક આ પ્રકારે કહેર વરસાવ્યો, વિકેટ, વિકેટ, વિકેટ, વિકેટ, વાઇડ, એક રન, વિકેટ. એટલે કે આ ઓવરમાં માત્ર 2 જ રન બન્યા અને અભિમન્યુ મિથુને હૈટ્રિક સહિત પાંચ વિકેટ ઝડપી છે. મિથુને આ ઇનિંગમાં 4 ઓવરમાં 39 રન આપી 5 વિકેટ ઝડપી છે. 

અભિમન્યુ મિથુનની સનસની મચાવતી 20 ઓવરને કારણે હરિયાણા 3 વિકેટ પર 192ના પોતાના સ્કોરથી 8 વિકેટ પર 194ના સ્કોર પર સમેટાઇ ગઇ. આ ઓવરમાં હિમાંશું રાણા, રાહુલ તેવતિયા, સુમિત કુમાર, અમિત મિશ્રા અને જયંત યાદવ શિકાર બન્યા. 

WATCH: W, W, W, W, WD, 1, W - @imAmithun_264’s five-wicket final over. 😱😱👌👌https://t.co/XnGPYu4GON#HARvKAR @paytm #MushtaqAliT20 pic.twitter.com/w1ij1xJlT0

— BCCI Domestic (@BCCIdomestic) November 29, 2019

જ્યારે કર્ણાટકે માત્ર 15 ઓવરોમાં 195/2 રન બનાવીને મેચને 8 વિકેટથી જીતી લીધી અને ફાઇનલમાં સ્થાન બનાવી લીધું. જ્યાં તેનો સામનો રાજસ્થાન અને તમિલનાડુ વચ્ચેની બીજી સેમીફાઇનલમાં મેચના વિજેતા સાથે 1 ડિસેમ્બરે થશે. 

મિથુને આ વર્ષે 25 ઓક્ટોબરે વિજય હજારે ટ્રોફી વનડે ટૂર્નામેન્ટની ફાઇનલમાં તમિલનાડુ વિરુદ્ધ હૈટ્રિક સહિત પાંચ વિકેટ (5/34) ઝડપી હતી. તેની સાથે જ મિથુને રણજી ટ્રોફી, વિજય હજારે ટ્રોફી અને સૈદ મુશ્તાક અલી ટ્રોફીમાં હૈટ્રિક લેનાર પહેલો બોલર બની ગયો છે. ટીમ ઇન્ડિયા માટે 2011માં અંતિમ વાર ઉતરેલા અભિમન્યુ મિથુને 4 ટેસ્ટ અને 5 વનડે ઇન્ટરનેશનલ મેચ રમી છે. 

મિથુનની હૈટ્રિક

• વિરુદ્ધ ઉત્તરપ્રદેશ, 2009 ( ફર્સ્ટ ક્લાસ ક્રિકેટ-રણજી ટ્રોફી) 
• વિરુદ્ધ તમિલનાડુ, 2009 ( લિસ્ટ A-વિજય હજારે ટ્રોફી) 
• વિરુદ્ધ હરિયાણા, 2019 ( ટી-20- સૈયદ મુશ્તાક અલી ટ્રોફી)