#MeToo: ફ્લાઈટ એટેંડેન્ટે સિંગર અભિજીત ભટ્ટાચાર્ય પર લગાવ્યો છેડતીનો આરોપ

#MeToo કેમ્પેઈનનો શિકાર હવે અભિજીત ભટ્ટાચાર્ય પણ બન્યા છે. એક ફ્લાઈટ એટેંડેન્ટે સિંગર અભિજીત ભટ્ટાચાર્ય પર છેડતીનો આરોપ લગાવ્યો છે. ફ્લાઈટ એટેન્ડેન્ટનો આરોપ છે કે ઘટના વીસ વર્ષ પહેલાની છે.

ત્યારે એક પબમાં અભિજીતે કિસ કરી હતી અને જમણો કાન ખેંચ્યો હતો. તો અભિજીતે આ આરોપનું ખંડન કરતા કહ્યું કે તે સમયે તેઓ જન્મ્યા પણ ન હોતા. હું મારા જીવનમાં ક્યારેય પબમાં નથી ગયો. તમે મને ક્યારેય ફિલ્મી કે પેજથ્રી પાર્ટીમાં પણ નહીં જોયો હોય. 



ઉલ્લેખનીય છે કે ગઇકાલે સંસ્કારી બાબુની ઓળખ પામેલા આલોકનાથ પર યૌન શોષણનો આરોપ તેમની સાથે કામ કરી ચૂકેલી એક પ્રોડ્યુસરે ફેસબુક પર એક પોસ્ટ કરીને લગાવ્યો છે. બધા જાણે છે કે બોલીવુડમાં આલોકનાથની છબી એક આદર્શવાન વ્યક્તિની છે. 

આલોકનાથ મોટાભાગે પિતાની ભૂમિકામાં જોવા મળે છે. જ્યારે હવે તેમના પર જ યૌન શોષણનો આરોપ લાગ્યો છે. આ આરોપ 80થી 90ના દાયકામાં ટેલીવિઝનની પ્રખ્યાત પ્રોડ્યુસર અને લેખિકા વિંટા નંદાએ લગાવ્યો છે. તમને જણાવી દઇએ કે વિંટા નંદાએ સોશિયલ મીડિયા પર એક લાંબો આર્ટિકલ લખી અને પોતાની આપવીતી લોકોને બતાવી છે.

તો આ સાથે જ ગઇકાલે જાણીતા ફિલ્મ ડાયરેક્ટર-એક્ટર રજત કપૂર પર પણ યૌન શોષણનો આરોપ લાગ્યો હતો. તો આ તરફ કેન્દ્ર સરકારના કેબિનેટ મંત્રી એમ.જે.અકબર પર પણ બે મહિલા પત્રકારોએ યૌન શોષણનો આરોપ લગાવ્યો હતો.