નુસખા / ડાયટમાં ધ્યાન રાખી લો આ નાની વાતો, પેટની ચરબી અને વજન ફટાફટ થશે ઓછું

અપનાવી લો આ નાની પણ ઉપયોગી ટિપ્સ

• કેટલાક લોકો ખાઈને તરત જ સૂઈ જાય છે. જેનાથી ખાવાનું સારી રીતે પચતું નથી અને તે પેટની ચરબીના રૂપે જમા થાય છે. 
• રાતનું ભોજન હળવું હોય તેવું લો. સાથે જ રાતે સૂવાના 2 કલાક પહેલાં હળવું ભોજન લેવું અને શક્ય હોય તો જમ્યા પછી થોડી વાર સુધી વોક પર જવાનું રાખો. 
• સવારનો નાસ્તો એટલે કે બ્રેકફાસ્ટ ક્યારેય સ્કીપ ન કરો. નિયમ અનુસાર બ્રેકફાસ્ટથી પેટ ભરવું જ જોઈએ.

• વજન ઘટાડવા માટે ડાયટિંગ કરવું એટલે ખાવું પીવું છોડી દેવું એમ નહીં. પરંતુ યોગ્ય સમયે યોગ્ય ખોરાક લેવો જરૂરી છે.
• જો તમે ઉતાવળમાં જમો છો તો તમારું ખાવાનું પચવામાં વધારે સમય લાગે છે. માટે ખાવાનું ધીરે ધીરે ચાવીને ખાઓ તે જરૂરી છે. 
• વજન ઓછું કરવું છે તો પૂરી ઊંઘ લો. સૂવાથી શરીરને આરામ મળે છે. 6-8 કલાકની ઊંઘ વજન ઉતારવામાં મદદ કરે છે. 
• ફણગાવેલા મગ, દાળ, પલાળેલા કાળા ચણા, સોયાબીનનો ખોરાકમાં ઉપયોગ કરવાથી શરીરમાં તાકાત વધે છે અને સાથે શરીરને જરૂરી પોષક તત્વો પણ મળી રહે છે. 
• ડિનરની શરૂઆતમાં એક વાટકી ઘરમાં વેજિટેબલ સૂપ પીઓ.તેમાં ઓછી કેલરી હોય છે. જેના કારણે પેટ જલ્દી ભરાય જાય છે. સૂપના ફાયબર્સ અને અન્ય ન્યૂટ્રિએન્ટ વજન ઓછું કરવામાં મદદ કરે છે.

• ડિનરમાં મલ્ટીગ્રેઈન લોટની એક કે બે રોટલી ખાવી જોઈએ. તેનાથી વજન ઝડપથી ઉતરી જાય છે. 
• કાકડી, ગાજર, ડુંગળી મિક્સ કરીને સલાડ ખાવું. સલાડ ખાવાથી પૂરતા પ્રમાણમાં પોષક તત્વો મળે છે અને કેલરી ઓછી હોવાથી પેટ જલ્દી ભરાઈ જાય છે.
• રોજ રાતે 1 વાટકી દહીં ખાઈ લો. દહીમાં રહેલાં બેક્ટેરિયા ડાઈજેશન સુધારવામાં મદદ કરે છે. દહીં ખાવાથી વજન ઓછું થાય છે.