VIDEO: વિરાટ-અનુષ્કાના લગ્ન પછી એબી ડિવિલયર્સે કહ્યુ કે 'તમારા ઘણા બાળકો થશે'

લાંબા લવ અફેર પછી બોલિવુડની એક્ટ્રેસ અનુષ્કા શર્મા અને ટીમ ઇન્ડિયાના કેપ્ટન વિરાટ કોહલીએ 11 ડિસેમ્બરે લગ્ન કરી લીધા હતા. આ કપલે મીડિયાથી દૂર રહીને ઇટલીના ટસ્કીનામાં લગ્નના સાત ફેરા ફર્યા. ક્રિકેટથી લઇને ફિલ્મ ઇન્ડસ્ટ્રીના તમામ દિગ્ગજોએ આ કપલને લગ્નની શુભકામના આપી. આ લિસ્ટમાં સાઉથ આફ્રિકાના સ્ટાર પ્લેયર અને IPLના રૉયલ ચેલેન્જર્સ બેંગ્લોરની તરફથી વિરાટની સાથે રમતા એ.બી.ડિવિલયર્સનું નામ જોડાઇ ગયુ છે. ડિવિલયર્સએ એક વીડિયો પોસ્ટ કરીને વિરાટ અને અનુષ્કાને લગ્નની શુભકામના આપી છે. ડિવિલયર્સે કહ્યુ કે ''તમને બંનેના લગ્નની ખૂબ-ખૂબ શુભકામનાઓ વિરાટ-અનુષ્કા. અચાનકથી થયેલા આ લગ્નથી હેરાન તો છું પરંતુ મને ખબર જ હતી કે તમે લોકો આ રીતે સરપ્રાઇઝ આપી શકો છો. તમે બંને ખુશ રહો આશા છે કે તમને ઘણા બધા દિકરાઓ થાય.''



તમને જણાવી દઇએ કે અનુષ્કા શર્મા અને વિરાટ કોહલીના લગ્ન છેલ્લા કેટલાય સમયથી ચર્ચામાં હતી. શ્રીલંકા વિરુદ્ઘની વન ડે મેચમાં આરામ લીધા પછી આ ચર્ચાએ વધુ જોર પક્ડયુ હતુ. મીડિયાએ અટકળો પણ લગાવી હતી કે 11 ડિસેમ્બરે આ બંને ઇટલીમાં લગ્ન કરવા જઇ રહ્યા છે. આ કપલે લગ્ન કર્યા પછી પોતાના ઑફિશ્યલ સોશ્યલ મીડિયા એકાઉન્ટ પર આ અંગેની જાણકારી આપી હતી.

ભારતની બહાર જઇને ઇન્ટિમેટ વેંડિગ કરનાર વિરાટ-અનુષ્કાના લગ્નમાં ઘરના લોકો અને ક્લોઝ ફ્રેન્ડ્સ શામેલ હતા.હવે 22 ડિસેમ્બરના બંનેનું ગ્રાન્ડ રિસેપ્શન યોજાશે. દિલ્હીની ફાઇવ સ્ટાર હોટલમાં આ રિસેપ્શનનું આયોજન કરવામાં આવ્યુ છે.