જીજાજી આયુષ શર્મા સલમાન ખાનની ફિલ્મ કભી ઈદ કભી દિવાલીમાંથી બહાર થઇ ગયા છે. જાણો આ પાછળનું કારણ
સલમાન ખાનની ફિલ્મ કભી ઈદ કભી દિવાલીમાંથી બહાર થયા આયુષ શર્મા
ફિલ્મમાં પોતાના રોલથી નાખુશ હતા આયુષ શર્મા
આયુષ શર્માએ ડાયરેક્ટરને મનાવવાની પણ કરી હતી કોશિશ
કભી ઈદ કભી દિવાલીમાંથી શા માટે બહાર થયા આયુષ શર્મા?
સલમાન ખાનની ફિલ્મ કભી ઈદ કભી દિવાલી જ્યારથી અનાઉન્સ થઇ છે, ત્યારથી ચર્ચાઓમાં છે. આવામાં આ ફિલ્મ વર્ષની મોસ્ટ અવેઈટેડ ફિલ્મ માનવામાં આવી રહી છે. આ ફિલ્મ સલમાન ખાન ઉપરાંત કૃતિ સેનન પણ છે. તો બીજી બાજી ફિલ્મમાં સલમાન ખાનના જીજાજી અને અર્પિતા ખાનના પતિ આયુષ શર્મા પણ હતા, પરંતુ અચાનક આયુષ શર્માએ આ ફિલ્મમાંથી પોતાના પગ પાછળ ખેંચી લીધા. એવું શું બન્યું કે આયુષ શર્માએ ભાઈજાન સલમાન ખાનની ફિલ્મ ક્વિટ કરી લીધી? ફેન્સનાં મનમાં સવાલો ચાલી રહ્યા છે કે શું આયુષ શર્માએ ફિલ્મ એટલા માટે છોડી કેમકે ક્રિએટીવ ડિફરન્સિસ પેદા થઇ રહ્યા હતા?
ફિલ્મમાં પોતાના રોલથી નાખુશ હતા આયુષ શર્મા
એક રિપોર્ટ અનુસાર, આયુષ શર્મા આ ફિલ્મમાં પોતાના ડાયલોગ્સની સંખ્યાથી ખાસ ખુશ હતા નહીં. તેઓ ફિલ્મમાં વધારે ડાયલોગ્સની ડિમાન્ડ કરી રહ્યા હતા. તેઓ ફિલ્મમાં પોતાની સ્ક્રીન પ્રેઝન્સ વધારવા માંગતા હતા. આયુષ માનતા હતા કે તેમણે પોતાની છેલ્લી ફિલ્મ 'અંતિમ'માં ઓડિયન્સ પર સારી ઈમ્પેક્ટ છોડી હતી. આવામાં અંતિમમાં સ્ટ્રોંગ પાત્ર નિભાવ્યા બાદ તેઓ ફિલ્મ કભી ઈદ કભી દિવાલીમાં ઓછું આંકવામાં આવે, તેવું પાત્ર ભજવવા માંગતા ન હતા.
ફિલ્મમાં શું હતો આયુશનો રોલ?
રિપોર્ટ્સ અનુસાર, આયુષનો રોલ ફિલ્મમાં ઘણો મહત્વનો હતો. તેઓ કભી ઈદ કભી દિવાલીમાં સલમાન ખાનના ભાઈનું પાત્ર ભજવી રહ્યા હતા ફિલ્મમાં સલમાનનાં બે ભાઈ બતાવવાનાં હતા. બીજા ભાઈનાં પાટમાં ઝાહિર ઇકબાલ જોવા મળવાના હતા. જોકે, હવે તેઓ ફિલ્મનો હિસ્સો નથી. ઝાહિર ઇકબાલ ફિલ્મમાંથી શા માટે બહાર થયા તેના કારણો હજુ સામે આવ્યા નથી.
આયુષ શર્માએ મનાવવાની કોશિશ પણ કરી હતી
પોતાના રોલને લઈને આયુષે સલમાન ખાન અને ફિલ્મના ડાયરેક્ટર ફરહાદ સાથે પણ વાત કરી હતી. પરંતુ ફરહાદ ફિલ્મમાં કોઈપણ પ્રકારનું મોડીફીકેશન ઈચ્છતા ન હતા. પ્રોફેશનલ લાઈફમાં જે ચાલી રહ્યું છે, તે હાલમાં સલમાન અને આયુષ વચ્ચે પર્સનલ લાઈફમાં આવી નથી રહ્યું. બંને હાલમાં જ કરન જોહરની પાર્ટીમાં જોવા મળ્યા હતા.
જણાવી દઈએ કે સલમાન ખાનની ફિલ્મ કભી ઈદ કભી દિવાલી આ વર્ષની મોસ્ટ અવેઈટેડ ફિલ્મોમાંની એક છે. હાલમાં જ બિગ બોસ ફેમ શહનાઝ ગિલ, જસ્સી ગિલ, સિદ્ધાર્થ નિગમ અને રાઘવ જુયાલ પણ આ ફિલ્મની કાસ્ટમાં સામેલ થયા છે, આવામાં ફેન્સ પોતાની ઉત્સુકતાને કંટ્રોલ કરી શકતા નથી. આ ફિલ્મનાં ફર્સ્ટ શેડ્યુલનું શુટિંગ પણ થઇ ચુક્યું છે.