આઝાદીના અમૃત મહોત્સમાં એપ ઈનોવેશન ચેલેન્જ 2021નું આયોજન કરવામાં આવી રહ્યું છે.
મોદી સરકારે શરૂ કરી નવી પ્રતિયોગીતા
ચેલેન્જમાં આપવામાં આવશે લગભગ 8 કરોડના ઈનામ
જાણો તમારે શું કરવાનું રહેશે
આઝાદીના અમૃત મહોત્સવમાં ભારત સરકારની તરફથી એક 'એપ ઈનોવેશન ચેલેન્જ 2021' લોન્ચ કરવામાં આવ્યું છે. આ ચેલેન્જમાં તમારે પણ એપ માટે એક આઈડિયા આપવાનો છે. જો સરકારને પસંદ આવ્યું તો એપ ડેવલોપરને મોટુ ઈનામ આપવામાં આવશે. કારણ કે ચેલેન્જમાં લગભગ 8 કરોડનું ઈનામ આપવામાં આવશે.
આ ઈનોવેશન ચેલેન્જ 2020માં આયોજીત આત્મનિર્ભર એપ ઈનોવેશન ચેલેન્જનું નેક્સ્ટ સંસ્કરણ છે. 2020ના ચેલેન્જમાં 24 વિજેતા એપ્સ અને 20 ઉભરતા એપ્સની ઓળખ કરવામાં મદદ મળી હતી. આ વખતે પણ 16 કેટેગરીમાં આઈડિયા લેવામાં આવી રહ્યા છે જેમાં કેટેગરીમાં સંસ્કૃતિ અને વિરાસત, સ્વાસ્થ્ય, શિક્ષા, સોશિયલ મીડિયા, ઉભરતી ટેક્નિક, સ્કિલ ન્યૂઝ, રમત, મનોરંજન, ઓફિસ, ફિટનેસ અને પોષણ, કૃષિ, બિઝનેસ અને રિટેલ, ફિનટેક, નેવિગેશન વગેરેનો સમાવેશ થાય છે.
પ્રતિયોગીઓને શું કરવાનું રહેશે?
આ એપ્સની ઓળખ ઉપરાંત પ્રતિસ્પર્ધીઓને તેને વધુ અનુકુળ અને ઉપયુક્ત બનાવવા માટે પોતાના આઈડિયા આપી શકે છે અને તેમાં ભરતી ટેકનોલોજીને શામેલ કરવાનો આઈડિયા આપી શકે છે. સાથે જ ધ્યાન રાખવાનું રહેશે કે તમારે આઈડિયામાં બિઝનેસ માટે આવતા અમુક વર્ષોનું વિઝન પણ તૈયાર કરી તેની જાણકારી આપવાની રહેશે.
કઈ રીતે કરવાનું રહેશે એપ્લાય?
તેમાં સ્ટાર્ટઅપ્સ એપ્લાય કરી શકો છો. જે એકલા અથવા ગ્રુપમાં પણ કરી શકો છો. પરંતુ એક એન્ટ્રીમાં 4થી વધારે પ્રતિયોગીઓ ન હોવા જોઈએ. તમે innovateindia.mygov.in પર જઈને તેના માટે એપ્લાય કરી શકો છો અને 15 નવેમ્બર 2021 તેની છેલ્લી તારીખ છે. આવેદકને પોતાની એન્ટ્રી મોકલવા માટે ફક્ત ઓનલાઈન અરજી કરવાની રહેશે. તેના માટે MayGov પોર્ટલપર રજીસ્ટ્રેશન અને લોગ ઈન કરવાનું રહેશે.
કઈ વાતોનું રાખશો ધ્યાન?
કોઈ પણ આઈડિયામાં સરળ યુઝરઈન્ટરફેસ, સિક્યોરિટી ફિચર્સ, સ્કેલેબિલિટી અને ઈન્ટરઓપરેબિલિટી, આવતા 5 વર્ષો માટે એપનું વિઝન લગેરે આપવાનું રહેશે.
કઈ રીતે થશે સિલેક્શન?
પહેલા ચરણમાં એન્ટ્રી સ્ક્રીનિંગ થશે અને ત્યાર બાદ બીજા ચરણમાં જૂરીની તરફથી વાસ્તવિક ડેમો પણ આપવામાં આવશે. જાણકારીમાં સરકાર, ઉદ્યોગ, શિક્ષાવિદ અને ખાનગી ક્ષેત્રના રોકાણકાર હોઈ શકે છે અને જૂરીમાં નેસકોમ, MeitY અને નીતિ આયોગના સદસ્યો પણ હોઈ શકે છે. શોર્ટલિસ્ટ કરવા આવેલી એપ્સને સન્માનિત કરવામાં આવશે અને લીડર બોર્ડમાં શામેલ કરવામાં આવશે.
શું મળશે ઈનામ?
હકીકતે ચેલેન્જમાં 16 કેટેગરી છે. તેમાંથી દરેક 16 કેટેગરીમાં પ્રથમ સ્થાન હાસેલ કરવા માટે પ્રતિયોગીને 25-25 લાખ રૂપિયા, બીજા સ્થાન પર આવનાર 16 પ્રતિયોગીઓને 15 લાખ રૂપિયા અને ત્રીજા સ્થાન પર આવનાર 16 પ્રતિયોગીઓને 10-10 લાખ રૂપિયાનું ઈનામ આપવામાં આવશે.