મહેસાણાઃ દૂધ સાગર ડેરીની ચૂંટણીમાં વિપુલ ચૌધરીના સમર્થનવાળી પેનલનો વિજય થયો છે. ડેરીના ચેરમેન પદે આશાબેન ઠાકોર જીત્યા છે. જ્યારે વાઈસ ચેરમેન પદે મોગજીભાઈ વિજેતા થયા છે. આશાબેન ઠાકોર વિરુદ્ધમાં 8 મત પડ્યા હતા.
જ્યારે તેમના પક્ષમાં 12 મત પડ્યા હતા. જ્યારે વાઈસ ચેરમેન મોઘજી ચૌધરી વિરુદ્ધ 7 મત પડ્યા હતા. જ્યારે તેમના પક્ષમાં 13 મત પડ્યા હતા. ડેરીના નિયામક મંડળના 20 સભ્યોએ મતદાન કર્યું હતું. મહત્વનું છે કે હાઈકોર્ટના એડિશનલ રજીસ્ટ્રારના ઓબ્ઝર્વરની હાજરીમાં ચૂંટણી યોજાઈ હતી. બેલેટ પેપરથી મતદાન કરવામાં આવ્યું હતું.
મહત્વનું છે કે મહેસાણા દૂધસાગર ડેરીના ચેરમેન અને વાઈસ ચેરમનની ચૂંટણી યોજાઇ હતી. હાઈકોર્ટના એડિશનલ રજીસ્ટ્રાર ઓબ્ઝર્વરની હાજરીમાં આ ચૂંટણી યોજાઇ હતી. ચૂંટણીમાં બેલેટ પેપરથી મતદાન કરવામાં આવ્યું હતું. જો કે સીસીટીવી કેમેરા હેઠળ સમગ્ર ચૂંટણી પ્રક્રિયા યોજાઇ હતી.
ઉલ્લેખનીય છે કે આ ચૂંટણીમાં ડેરીના પૂર્વ ચેરમેન વિપુલ ચૌધરી ચૂંટણી નહોતા લડી શક્યા. દૂધ સાગર ડેરી પહોંચેલા વિપુલ ચૌધરીએ દાવો કર્યો હતો કે મેં કોઇ કૌભાંડ નથી કર્યુ. અમે મહારાષ્ટ્રમાં સાગરદાણ આપ્યું હતું.
દૂધ સાગર ડેરીના ચેરમેન-વાઇસ ચેરમનની ચૂંટણીમાં કુલ 20 પ્રતિનિધિઓ બેલેટ પેપેરથી વોટિંગ કર્યું હતું. ચૂંટણીમાં 3 સરકારી પ્રતિનિધિઓ 1 જિલ્લા રજીસ્ટ્રાર મતદાન કર્યું હતું. 1 GCMFના પ્રતિનિધિ ભાજપ પ્રેરિત જૂથના 3 લોકો મતદાન કર્યું હતું. તો વિપુલ ચૌધરી જૂથના 12 પ્રતિનિધિઓ મતદાન કર્યું. જેમાં વિપુલ ચૌધરીના સમર્થનવાળી પેનલનો વિજય થયો છે.
કોણ છે વિપુલ ચૌધરી ?
વિપુલ ચૌધરી છે ભાજપના વગદાર નેતા છે. તેઓ દૂધસાગર ડેરીના પૂર્વ ચેરમેન પણ છે. તેમના પર 1500 કરોડના કૌભાંડનો આરોપ છે. વિપુલ ચૌધરી પર સાગરદાણ કૌભાંડનો આરોપ છે. અગાઉ રજીસ્ટ્રારના નિયમને નેવે મુકીને સત્તા હાંસલ કરી હતી. વિપુલ ચૌધરી બળજબરી પૂર્વક ચૂંટણી લડ્યા હતા. પોતાની પેનલના મહિલા સભ્યને બોર્ડ ઓફ ડિરેક્ટર બનાવ્યા હતા. HCએ ગેરલાયક ઠેરવતા પોતાના જૂથના સભ્યને બનાવ્યા હતા. ચેરમેન
સત્તા માટે તડજોડની રણનીતિમાં વિપુલ ચૌધરી માહેર છે.