રિપોર્ટ / આરોગ્ય સેતુની ઍપને લઈને આવ્યાં ખરાબ સમાચાર, MITએ આ મામલે આપ્યું 2 રેટિંગ

એમઆઈટીએ કૉન્ટેક્ટ ટ્રેસીંગ એપ્સની રેટિંગ જાહેર કરી 
 

એમઆઇટીએ કૉન્ટેક્ટ ટ્રેસીંગ એપ્સની રેટિંગ જાહેર કરી છે. આમાં એપ્લિકેશન કેવી રીતે કાર્ય કરે છે, ડેટા હેન્ડલિંગ, પ્રાઇવસી અને પારદર્શિતા સાથે સબંધિત  વાતોને ધ્યાન આપવામાં આવ્યું છે.
 

આરોગ્ય સેતુ એપને માત્ર બે અંક મળ્યા 

કૉન્ટેક્ટ ટ્રેસીંગ એપ્સની રેટિંગમાં ભારતને પાંચ માંથી માત્ર બે અંક મળ્યા છે. એમઆઇટીના નિષ્ણાતોનું કહેવું છે કે આરોગ્ય સેતુ મોબાઈલ એપને માત્ર બે ઈન્ડિકેટર્સ પર સાબિત થઇ છે, જેમાં સમયસર યુઝર્સનો ડેટા ડીલીટ કરવા અને વપરાયેલા માપદંડને એકત્રિત કરવાનો સમાવેશ થાય છે. ત્યાં જ, બીજી તરફ આરોગ્ય સેતુ સ્વૈચ્છિક વપરાશ, ડેટા ઉપયોગની સીમાઓ અને પારદર્શી માળખામાં નિષ્ફળ છે.

આ દેશોને મળ્યા પુરા અંક 

એમઆઇટીના રિપોર્ટમાં પાંચ માંથી પાંચ અંક મેળવનારા દેશો સિંગાપુર, ઓસ્ટ્રેલિયા, નોર્વે, ઈઝરાયલ, ચેક ગણરાજ્ય, આઇસલેન્ડ અને ઓસ્ટ્રિયાનો સમાવેશ થાય છે. જયારે ફ્રાન્સ, આયર્લેન્ડ અને ઈરાનને ફક્ત એક અંક મળ્યો છે. ત્યાં, ચીનની એપ્લિકેશન તમામ પાંચ પરિણામો પર સંપૂર્ણપણે નિષ્ફ્ળ છે.