એશ્વર્યા રાય બચ્ચન દીકરી આરાધ્યા બચ્ચનને લઈને કેટલી પ્રોટેક્ટિવ છે એ વાત તો લગભગ બધાં જ જાણે છે. તમે ઘણી તસવીરો અને વીડિયોમાં જોયું જ હશે કે એશ્વર્યા હમેશાં આરાધ્યાનો હાથ પકડી રાખે છે. જોકે, તેના માટે તે ઘણી ટ્રોલ પણ થાય છે. એશ્વર્યા ભલે પ્રોફેશનલ લાઈફમાં કેટલી પણ વ્યસ્ત હોય પણ તે તેની દીકરી આરાધ્યા માટે સમય કાઢી જ લે છે. હાલમાં જ આરાધ્યાના સ્કૂલ ફંક્શનમાં તે સામેલ થઈ હતી. જેની કેટલીક તસ્વીરો અને વીડિયો વાયરલ થયા છે.
એશ્વર્યાની લાડકી દીકરી દેખાઈ ટ્રેડિશનલ લુકમાં
ધીરૂભાઈ અંબાણી સ્કૂલમાં પર્ફોમ કરવા પહોંચી આરાધ્યા
આરાધ્યા પર્ફોમ કરવા ધીરૂભાઈ ઈન્ટરનેશનલ સ્કૂલમાં આયોજિત એન્યુઅલ ફંક્શનમાં પહોંચી હતી. તે ટ્રેડિશનલ આઉટફિટમાં જોવા મળી હતી. તેણે સ્ત્રી સશક્તિકરણ પર જબરદસ્ત સ્પીચ આપી હતી, જેને જોઈને બિગ બી પણ દંગ રહી ગયા હતા. જ્યારે એશ પિંક કલરના સૂટમાં જોવા મળી રહી હતી અને દીકરી આરાધ્યાને ચીયર કરવા તે સ્કૂલ પહોંચી હતી. આરાધ્યાનો એક વીડિયો પણ સોશિયલ મીડિયામાં વાયરલ થઈ રહ્યો છે.
એશ જ નહીં પણ આરાધ્યાના દાદા અને બોલિવૂડના લેજેન્ડ્રી એક્ટરલ અમિતાભ બચ્ચન પણ પૌત્રીના પર્ફોમન્સને જોવા સ્કૂલ પહોંચ્યા હતા. આ સિવાય અભિષેક બચ્ચન અને એશ્વર્યાની માતા અને આરાધ્યાની નાની વૃન્દા રાય પણ ફંક્શનમાં પહોંચી હતી. એશ્વર્યાને જોઈને એવું લાગી રહ્યું હતું કે એશ્વર્યા પણ સ્કૂલ ફંક્શનમાં ડાંસ પર્ફોમન્સ આપવાની છે. તમને જણાવી દઈએ કે આરાધ્યા કલ્ચરલ એક્ટિવિટીમાં ઘણી જ એક્ટિવ છે અને તે સ્કૂલના દરેક પ્રોગ્રામ્સમાં પાર્ટિસિપેટ કરે છે.