ભાવનગર / AAPનું ગુજરાતમાં જમીની અસ્તિત્વ જ નથી, ફક્ત માહોલ ઊભો કર્યો છે, મહુવાથી કોંગ્રેસ ઉમેદવાર કનું કલસરિયાનો હોકારો

• મહુવાથી કનુ કલસરિયા સાથે VTVની ખાસ વાતચીત
• ગુજરાતના લોકો મોંઘવારીથી ત્રસ્ત: કનુ કલસરિયા
• શિક્ષણ, આરોગ્ય કોંગ્રેસનો મુખ્ય મુદ્દો : કલસરિયા

ગુજરાત વિધાનસભા ચૂંટણીનું રણશિંગુ ફૂંકાઈ ગયું છે, ત્યારે કોંગ્રેસ, ભાજપ અને આમ આદમી પાર્ટીએ સરકાર બનાવવા પ્રયાસ શરૂ કરી દીધા છે. કોંગ્રેસે પોતાના ઉમેદવારોની પ્રથમ યાદી જાહેર કરી દીધી હતી. જેમાં મહુવા બેઠક પરથી કોંગ્રેસના ઉમેદવાર તરીકે કનુ કલસરિયાના નામની જાહેરાત કરવામાં આવી છે. જેને પગલે VTV ન્યૂઝએ મહુવા બેઠક પરના કોંગ્રેસ ઉમેદવાર કનુ કલસરિયા સાથે ખાસ વાતચીત કરી હતી. જુઓ VIDEO... 

AAP અંગે કનુ કલસરિયાએ કહ્યું આવું
આ વાતચીતમાં  કનુ કલસરિયાએ જણાવ્યું હતું કે, ગુજરાતના લોકો મોંઘવારીથી ત્રસ્ત થયા છે. આથી શિક્ષણ, આરોગ્યની સુવિધા ઊભી કરવીએ કોંગ્રેસનો મુખ્ય મુદ્દો છે. વધુમાંઆમ આદમી પાર્ટી અંગેના સવાલમાં કનુ કલસરિયાએ કહ્યું કે,  AAP અંગે ચિંતા કરવાની જરૂર નથી. AAPએ વાતાવરણ સારૂં બનાવ્યું છે, પરંતુ ગુજરાતમાં ક્યારેય પણ ત્રીજો પક્ષ ફાવ્યો નથી. AAPનું ગુજરાતમાં જમીની અસ્તિત્વ જ નથી. તેમ જણાવી કનું કલસરિયાએ જીતનો હુંકાર કર્યો હતો અને અમે કોંગ્રેસના વચનો પુરા કરીશું. તેવો દાવો પણ કર્યો હતો.