ગીર સોમનાથ / VIDEO: AAPના ઉમેદવારનો બેફામ વાણીવિલાસ, કહ્યું 'ગુજરાત સિવાય દેશભરમાં દારૂની છૂટ છે એટલે દારૂ ખરાબ નથી'

• AAPના ઉમેદવારનો દારૂ મુદ્દે બેફામ વાણીવિલાસ
• દેશભરમાં દારૂની છૂટ છે એટલે દારૂ ખરાબ નથી: જગમલ વાળા
• IAS-IPS અધિકારીઓ પણ દારૂ પીવે છે: જગમલ વાળા

એકતરફ ગુજરાતમાં જ્યારે દારૂબંધી છે ત્યારે તાજેતરમાં જ દારૂ મુદ્દે ગીર સોમનાથના AAPના ઉમેદવાર જગમલ વાળાએ બેફામ વાણીવિલાસ કર્યો છે. તેઓએ કહ્યું કે, 'ગુજરાત સિવાય દેશભરમાં દારૂની છૂટ છે એટલે દારૂ ખરાબ નથી. દારૂ આપણને પીવે એ ખરાબ છે. દુનિયાભરના દેશોમાં દારૂ પીવાય છે. વિશ્વના 196 દેશોમાં દારૂ પીવાય છે. ભારતમાં પણ ગુજરાત સિવાય તમામ રાજ્યોમાં દારૂની છૂટ છે એટલે દારૂ ખરાબ નથી. તબીબો, IAS અને IPS અધિકારીઓ પણ દારૂ પીવે છે.'

AAPના ઉમેદવારના વિવાદાસ્પદ નિવેદન બાદ રાજકારણમાં ગરમાવો

જોકે AAPના ઉમેદવાર જગમલ વાળાના દારૂ મુદ્દે વિવાદાસ્પદ નિવેદન બાદ ગુજરાતના રાજકારણમાં પણ ગરમાવો આવ્યો છે. શક્ય છે કે, આગામી સમયમાં એકબાદ એક રાજકીય પક્ષ કે નેતાની આ મુદ્દે પ્રતિક્રિયા સામે આવે તો નવાઇ નહીં. જોકે દારૂ મુદ્દે રાજકારણ કરવું એ ખૂબ જ અયોગ્ય બાબત કહેવાય.  મહત્વનું છે કે, અને એમાંય હાલ સમગ્ર ગુજરાતમાં ચૂંટણીલક્ષી માહોલ જામ્યો છે. એટલે આવનારી ચૂંટણીને લઇ તમામ રાજકીય પક્ષો તડામાર તૈયારીઓ કરી રહ્યાં છે. ત્યારે AAPના ઉમેદવારે દારૂને લઇને આપેલા વિવાદાસ્પદ નિવેદન બાદ હવે AAP અને કોંગ્રેસ આમને સામને આવી ગયું છે.

AAPના ઉમેદવારની વાણી વિલાસ તેમનું ચાલ-ચરિત્ર દર્શાવે છે: કોંગ્રેસ

AAPના ઉમેદવારના વાઇરલ વીડિયો મામલે કોંગ્રેસની પ્રતિક્રિયા સામે આવી છે. આ મુદ્દે કોંગ્રેસના પ્રદેશ મીડિયા સેલ કન્વીનર હેમાંગ રાવલે AAP પર પ્રહાર કર્યા છે. તેઓએ કહ્યું કે, 'AAPના ઉમેદવારની વાણી વિલાસ તેમનું ચાલ-ચરિત્ર દર્શાવે છે. AAPના ઉમેદવારના બફાટથી ગાંધીના ગુજરાતમાં યુવાઓનું ભવિષ્ય અંધકારમાં.'