સ્વેજલ વ્યાસે લોકો પાસેથી ઉઘરાવ્યું 1-1 રુપિયાનું દાન
ચૂંટાયા પછી તો ધારાસભ્યો અધિકારીઓ પાસે કામ કઢાવતા હોય છે પરંતુ વડોદરાની સયાજીગંજ બેઠકના આમ આદમી પાર્ટીના ઉમેદવાર સ્વેજલ વ્યાસે ચૂંટણીનું ફોર્મ ભરતી વખતે અધિકારીઓની મોંઢે ફીણ આવી જાય તેવી મહેનત કરાવી પડી.
સયાજીગંજ વિધાનસભા બેઠક હાઈ પ્રોફાઈલ બેઠક
સયાજીગંજ વિધાનસભા બેઠક હાઈ પ્રોફાઈલ બેઠક બની છે. કારણ કે આ બેઠક પર ભાજપે મેયર કેયુર રોકડીયા, કોંગ્રેસે અમીબેન રાવત અને આમ આદમી પાર્ટીએ લડાયક યુવા નેતા સ્વેજલ વ્યાસને ટિકિટ આપી છે. સ્વેજલ વ્યાસ આજે તેમના સમર્થકો સાથે વાજતે ગાજતે ફોર્મ ભરવા માટે પહોંચ્યા હતા. પરંતુ બીજા ઉમેદવારો અને સ્વેજલ વ્યાસ વચ્ચે એક મોટો ફેર જોવા મળ્યો હતો. સ્વેજલ વ્યાસ 10,000ના સિક્કા લઈને ફોર્મ ભરવા આવ્યાં હતા. તેમણે લોકો પાસેથી એક એક રુપિયો ઉઘરાવીને 10,000ની ડિપોઝીટ ઉઘરાવી હતી અને તે લઈને તેઓ કલેક્ટર કચેરીએ ફોર્મ ભરવા આવ્યાં હહતા.
10,000ની ચિલ્લરને ગણતા અધિકારીઓને કલાકો લાગ્યા
10,000ની ચિલ્લરને ગણવા માટે ચૂંટણી અધિકારીઓને કલાકો લાગ્યા હતા. એક સાથે ચાર જેટલા લોકો ચિલ્લર ગણવા માટે જમીન પર બેસી ગયા હતા. આ ચિલ્લર ગણાઈ ગયા બાદ અધિકારીઓએ તેમનું ફોર્મ સ્વીકાર્યું હતું.