રાજનીતિ / VIDEO: AAP-BJP નેતાઓએ MCD સદનમાં જ કરી મારામારી, પાણીની બોટલો ફેંકી; જુઓ વીડિયો 

• દિલ્હી મ્યુનિસિપલ કોર્પોરેશનની સ્ટેન્ડિંગ કમિટીની ચૂંટણીમાં હંગામો 
• MCD હાઉસની અંદરથી હંગામો, બોટલો ફેંકવા, માઈક તોડ્યાનો વિડીયો 
• ગૃહની અંદર કોર્પોરેટરોએ એક બીજાને થપ્પડ પણ મારી હોવાની ઘટના 

દિલ્હી મ્યુનિસિપલ કોર્પોરેશન (MCD)ની સ્ટેન્ડિંગ કમિટીની ચૂંટણીને લઈને હંગામો ચાલી રહ્યો છે. હાલમાં MCD હાઉસની અંદરથી હંગામો, બોટલો ફેંકવા, માઈક તોડ્યા બાદ હવે જે વીડિયો સામે આવ્યો છે, તે શરમજનક છે. હવે ગૃહની અંદર પણ થપ્પડની ઘટના બની છે. વીડિયોમાં જોવા મળી રહ્યું છે કે, બીજેપી કોર્પોરેટર આમ આદમી (આપ)ના કોર્પોરેટરને મોઢા પર થપ્પડ મારે છે અને તે પછી AAP કોર્પોરેટર બીજેપી વ્યક્તિને થપ્પડ મારે છે.

MCD સ્ટેન્ડિંગ કમિટીની ચૂંટણીને લઈ હોબાળા વચ્ચે વીડિયોમાં જોવા મળી રહ્યું છે કે, નેતાઓ મારામારી સુધી પહોંચી ગયા છે. એકબીજાને ધક્કો મારીને કાઉન્સિલરો પોતપોતાની અને ગૃહની મર્યાદા પાર કરતા જોવા મળે છે. કેટલાક નેતાઓ ધીરજ રાખીને મધ્યસ્થી પણ કરી રહ્યા છે. પરંતુ ત્યારે જ AAPના કાઉન્સિલરે ભાજપના પ્રમોદ ગુપ્તાને થપ્પડ મારી હતી. આ પહેલા AAP કાઉન્સિલરને મોઢા પર માર મારવામાં આવ્યો છે. આ વીડિયોમાં એવું પણ જોવા મળી રહ્યું છે કે, બંને પાર્ટીના નેતાઓ એકબીજા પર પાણી ફેંકી રહ્યા છે.

મેયરની ચૂંટણી બાદ દિલ્હી MCDમાં આખી રાત હોબાળો: AAP કોર્પોરેટર BJP કોર્પોરેટરને લાફો મારતા હોય તેવો વીડિયો થયો વાયરલ #Delhi #MCD #BiggestMediaScam #Indian #delhielections #ViralVideos #trendingVideos #VTVGujarati | VTV Gujarati News and Beyond | VTV Gujarati News and Beyond · Original audio

14K views, 22 likes, 3 comments, 0 shares, Facebook Reels from VTV Gujarati News and Beyond: મેયરની ચૂંટણી બાદ દિલ્હી MCDમાં આખી રાત હોબાળો: AAP કોર્પોરેટર BJP કોર્પોરેટરને લાફો મારતા હોય તેવો વીડિયો...

મહત્વનું છે કે, મેયર અને ડેપ્યુટી મેયરની ચૂંટણી બાદ સ્ટેન્ડિંગ કમિટીના સભ્યોની ચૂંટણીનો વારો આવ્યો ત્યારે ભારે હોબાળો થયો હતો. થપ્પડ મારવાના વીડિયો પહેલા જ વધુ એક વીડિયો સામે આવ્યો છે. આ વીડિયો જોઈને એવું લાગતું નથી કે,  ચૂંટાયેલા નેતાઓ અહીં બેઠા છે. તે તોફાની વિદ્યાર્થીઓના વર્ગખંડના વિડિયો જેવું લાગતું હતું જ્યાં બે જૂથો દલીલમાં ઉતર્યા હતા અને એકબીજા પર કાગળના ગોળા ફેંકી રહ્યા હતા. આ વીડિયો સ્ટેન્ડિંગ કમિટીના સભ્યોની ચૂંટણી દરમિયાનનો છે. બંને પક્ષના આગેવાનો એકબીજા પર કાગળના ગોળા ફેંકી રહ્યા હોવાથી મહિલા કાઉન્સિલરો સીટ નીચે સંતાઈને પોતાને બચાવવાનો પ્રયાસ કરી રહી છે.

મેયરની ચૂંટણી બાદ દિલ્હી MCDમાં આખી રાત હોબાળો: AAP કોર્પોરેટર BJP કોર્પોરેટરને લાફો મારતા હોય તેવો વીડિયો થયો વાયરલ #Delhi #MCD #BiggestMediaScam #Indian #delhielections #ViralVideos #trendingVideos #VTVGujarati | VTV Gujarati News and Beyond | VTV Gujarati News and Beyond · Original audio

14K views, 22 likes, 3 comments, 0 shares, Facebook Reels from VTV Gujarati News and Beyond: મેયરની ચૂંટણી બાદ દિલ્હી MCDમાં આખી રાત હોબાળો: AAP કોર્પોરેટર BJP કોર્પોરેટરને લાફો મારતા હોય તેવો વીડિયો...

સ્થાયી સમિતિની ચૂંટણી કેવી રીતે થાય છે?
આ સમિતિમાં કુલ 18 સભ્યો છે. તેમાંથી 6 સભ્યો ગૃહની પ્રથમ બેઠકમાં ચૂંટાય છે. આ સભ્યો પ્રેફરન્શિયલ વોટિંગ દ્વારા ચૂંટાય છે. એટલે કે કાઉન્સિલરોએ ઉમેદવારોને તેમની પસંદગીના ક્રમમાં નંબર આપવાના હોય છે. આવી સ્થિતિમાં જો પ્રથમ પસંદગીના આધારે ચૂંટણી ન થાય તો પ્રમાણસર પ્રતિનિધિત્વ પદ્ધતિથી મતગણતરી કરવામાં આવે છે. એટલે કે બીજા અને ત્રીજા નંબરની પસંદગીઓ લેવામાં આવે છે. અહીં મામલો જટિલ બની જાય છે. આ છ ઉપરાંત વિવિધ 12 ઝોનમાંથી 12 સભ્યોની પસંદગી કરવામાં આવી છે. ડેપ્યુટી મેયરની ચૂંટણીમાં AAPના કેટલાક કાઉન્સિલરોએ ક્રોસ વોટિંગ કર્યું ત્યારે ગૃહની અંદર મામલો વધુ વણસી ગયો.