AAP-ભાજપ ઘર્ષણ કેસ / ગાંધીનગર કોર્ટમાં રજૂ કરાયેલા ઈશુદાન ગઢવી, ગોપાલ ઇટાલીયા સહિત તમામ કાર્યકરોને મોકલાયા જ્યુડિશિયલ કસ્ટડી

• કમલમ્ ખાતે AAP-ભાજપ ઘર્ષણ મામલો 
• AAPના નેતા-કાર્યકરોને ગાંધીનગર કોર્ટમાં રજૂ કરાયા
• તમામ નેતા કાર્યકરોને જ્યુડિશિયલ કસ્ટડીમાં મોકલાયા

AAP નેતાઓ કમલમમાં પહોંચ્યા ભારે હોબાળો થયો હતો. આ મામલે AAP નેતાઓ અને કાર્યકરોને સામે ગુના દાખલ થતા તેમને કોર્ટમાં રજૂ કરી રહ્યાં છે. રાયોટિંગ, છેડતી, મારામારી સહિત 19 કલમો હેઠળ ગુના નોંધાયા છે. જેમાં AAPના 66 કાર્યકરોને કોર્ટમાં રજૂ કરવામાં આવ્યા છે. AAP નેતાઓને લઈને પોલીસ ગાંધીનગર કોર્ટ પહોંચી હતી. જેમાં સુનાવણી દરમિયાન વારાફરતી 9 લોકોને જજ સમક્ષ હાજર કરવામાં આવ્યા હતા. જેમાં 9 AAP કાર્યકરોની જામીન અરજી ના મંજૂર કરી સાબરમતી જેલ મોકલાયા છે. બાદમાં ઈશુદાન ગઢવી, ગોપાલ ઇટાલીયા, પ્રવિણ રામ, નિખિલ સવાણી,સહિત તમામે તમામ AAPના નેતા-કાર્યકરોને જ્યુડિશિયલ કસ્ટડીમાં મોકલી દેવાયા છે.

ગઈ રાત્રે મહિલા કાર્યકરોના જામીન ના મજૂર થયા હતા
ગૌણ સેવા પસંદગી મંડળના પેપર લીક મુદ્દે રાજકારણ ગરમાયું છે, ગઈ કાલે AAP-ભાજપ વચ્ચેના ઘર્ષણ થયા બાદ ભાજપ દ્વારા આપ નેતાઓ સામે ફરિયાદ દાખલ કરાઈ હતી. મોડી રાત્રે કોર્ટમાં 26 મહિલા કાર્યકરોને પેશ કરાઇ હતી. જેમાં જામીન નામંજૂર થતા મહિલાઓને રાત સાબરમતી જેલમાં રાત વિતાવવી પડી હતી.

કઈ કઈ કલમો હેઠળ ગુનો નોંધાયો
ગાંધીનગર પોલીસે AAP કાર્યકર ઇસુદાન ગઢવી, ગોપાલ ઇટાલીયા અને પ્રવીણ રામ સહિત ટોળા સામે ફરિયાદો દાખલ કરી છે. આ ફરિયાદમાં અલગ અલગ IPC હેઠળ કલમો દાખલ કરાઇ છે. જેમાં કલમ 452, 353,353 A , 341, 323, 143,144,145, 147, 148,149, 151, 152, 269, 188, 429, 504, 120B, ડેમેજ ટુ પબ્લિક પ્રોપર્ટી, સેક્શન 37, એપેડેમિક એક્ટ 37, ગુજરાત પોલીસ એક્ટ સેક્શન 135  સહિતની કલમો સાથે ફરિયાદ નોંધાઇ છે. બિન જામીનપાત્ર કલમો ઉમેરવામાં આવી છે.