લ્યો બોલો / વિદેશોમાં ધૂમ મચાવી રહી છે પણ ઘરઆંગણે પાણીમાં બેસી ગઈ આમિરની ફિલ્મ, લાલ સિંહ ચઢ્ઢાની દોડ ધીમી પડી

• બોક્સ ઓફીસ પર ફ્લોપ સાબિત થઈ  'લાલ સિંહ ચઢ્ઢા' 
• વિકેન્ડની કમાણીમાં અક્ષય કુમાર અને રણબીર કપૂરની ફિલ્મથી પણ પાછળ રહી

વર્ષની શરૂઆતમાં જ બોક્સ ઓફીસ પર સાઉથની ફિલ્મો ધૂમ મચાવી રહી છે. એવામાં એક-બે બોલીવુડ ફિલ્મ છે જેને બોક્સ ઓફીસ પર સારી કમાણી કરી હોય. રક્ષાબંધનાનાં મોકા પર ગુરૂવારનાં દિવસે જ સિનેમાઘરોમાં બે મોટી બોલીવુડ ફિલ્મ રીલીઝ થઇ હતી. એક આમીર ખાનની ફીમ 'લાલ સિંહ ચઢ્ઢા' અને બીજી અક્ષય કુમારની ફિલ્મ ' રક્ષાબંધન'. બન્ને ફિલ્મોની એડવાન્સ બુકિંગ સમયે ટક્કર ચાલી રહી હોય એવું જોવા મળી રહ્યું હતું પણ હાલ બંને ફિલ્મ બોક્સ ઓફીસ પર કોઈ કમાલ બતાવી શકી નથી. 

#LaalSinghChaddha #BoxOffice Estimate Day 4: Collects Rs. 10.40 crores on Sunday, to suffer MAMMOTH losseshttps://t.co/TlnE6OgVDI

— BollyHungama (@Bollyhungama) August 14, 2022

બોક્સ ઓફિસ પર ફ્લોપ સાબિત થઈ  'લાલ સિંહ ચઢ્ઢા' 
બોલિવૂડના મિસ્ટર પરફેક્શનિસ્ટ આમિર ખાનની ફિલ્મ 'લાલ સિંહ ચઢ્ઢા' બોક્સ ઓફિસ પર ફ્લોપ સાબિત થઈ રહી છે. અદ્વૈત ચંદન દ્વારા નિર્દેશિત, આ ફિલ્મે તેના શરૂઆતના સપ્તાહમાં 50 કરોડ રૂપિયાથી ઓછી કમાણી કરી છે. આટલું જ નહીં, આમિર ખાનની ફિલ્મ 'લાલ સિંહ ચઢ્ઢા' આ વર્ષે રિલીઝ થયેલી વરુણ ધવનની 'જુગ જુગ જિયો' અને અક્ષય કુમારની 'બચ્ચન પાંડે' અને 'સમ્રાટ પૃથ્વીરાજ' કરતા પણ ઓછી કમાણી કરી છે. 

કુલ કમાઈમાં અક્ષય કુમારની ફિલ્મથી પણ પાછળ રહી 
આમીરની ફિલ્મે ચોથા દિવસે 10 કરોડની કમાણી કરી હતી અને ગુરુવારે રીલીઝ થયેલ આ ફિલ્મે ચાર દિવસોમાં ફક્ત 37.96 કરોડની કમાણી કરી હતી. જે અક્ષય કુમારની ફિલ્મ પૃથ્વીરાજ કરતા ઘણી ઓછી છે. અક્ષયની ફિલ્મ સમ્રાટ પૃથ્વીરાજ એ ત્રણ દિવસની અંદર 39.40 કરોડનું કલેક્શન કર્યું હતું. 

બચ્ચન પાંડે અને જુગ જુગ જીયોથી પણ પાછળ 
આમીરની ફિલ્મ  'લાલ સિંહ ચઢ્ઢા' એ તેના પહેલાં વિકેન્ડમાં 26.26 કરોડની કમાણી કરી હતી. આ અંક્ડા વરુણ ધવન, રણબીર કપૂર અને અક્ષય કુમારની ફિલ્મોથી ઘણાં ઓછા છે. વિકેન્ડમાં જુગ જુગ જીયો ફિલ્મએ 36.93 કરોડ, શમશેર એ  31.75 કરોડ અને સમ્રાટ પૃથ્વીરાજે 39.40 કરોડની કમાણી કરી હતી. 

#Exclusive Box Office Report Aamir Khan’s Laal Singh Chaddha Is Highest Grosser Indian Film Of 2022 In Overseas with 6 million $,Continues To Struggle In India! #AamirKhan #LSC #LaalSinghChaddha #BoxOffice https://t.co/R35SIHpiX7 pic.twitter.com/80gaDmey2w

— Box Office Worldwide (@BOWorldwide) August 14, 2022

વિદેશમાં મચાવે છે ધૂમ 
જ્યારે આમિર ખાન સ્ટારર ફિલ્મનો દેશમાં ઉગ્ર વિરોધ થવાને કારણે ફિલ્મ લાલ સિંહ ચઢ્ઢા બોક્સ ઓફિસ પર કમાણી કરવામાં નિષ્ફળ રહી ત્યાં વિદેશમાં કમાણી કરવામાં સફળ રહી છે. 'લાલ સિંહ ચઢ્ઢા' વિદેશમાં દરેક જગ્યાએ સારું પ્રદર્શન કરી રહી છે અને આ યાદીમાં અમેરિકાનું નામ સૌથી ઉપર છે. યુએસમાં 'લાલ સિંહ ચઢ્ઢા'એ અત્યાર સુધીમાં 6.13 કરોડ રૂપિયાનું કલેક્શન કર્યું છે. આમિરની ફિલ્મે કેનેડામાં 4.28 કરોડ રૂપિયાની કમાણી કરી છે, જ્યારે ઓસ્ટ્રેલિયામાં ફિલ્મે 3.03 કરોડ રૂપિયાની કમાણી કરી છે.

Laal Singh Chaddha collects approx. 4.98 cr. on the Australia and New Zealand field workplace in its opening weekend :Bollywood Box Office https://t.co/8js0mUL9nH #LatestMoviesReviews #BollywoodMovies #horrorMovies #TvShows #WebSeries #HollywoodMovies #CelebrityInterviews pic.twitter.com/mZ1jcLzEsh

— DekhReviews (@DekhReviews) August 15, 2022

આ સાથે 'લાલ સિંહ ચઢ્ઢા'એ UK અને ન્યુઝીલેન્ડમાં અત્યાર સુધીમાં 2.9 કરોડ રૂપિયા અને 51.41 લાખ રૂપિયાનો બિઝનેસ કર્યો છે. 'લાલ સિંહ ચઢ્ઢા' સાથે ચાર વર્ષ પછી મોટા પડદા પર પાછા ફરેલા આમિર ખાનને તેના ભારતીય ચાહકો પાસેથી ઘણી અપેક્ષાઓ હતી, પરંતુ આ ફિલ્મ સ્વદેશી બોક્સ ઓફિસ પર સંપૂર્ણ નિષ્ફળ જણાઈ રહી છે.