બોલિવુડ મસાલા / એક ફિલ્મ બનાવતા લાગ્યા 14 વર્ષ, આમિર ખાને ખોલ્યું રહસ્યનું પત્તું

• આમિર ખાન પોડકાસ્ટનાં માધ્યમથી ફિલ્મ પ્રમોટ કરવા માંગે છે 
• ફિલ્મના સોંગનો માત્ર ઓડિયો જ રિલીઝ કરાયો છે 
• હું ઈચ્છું છું કે પહેલા તમે માત્ર સોંગ સાંભળો - આમિર ખાન 

આમિર ખાન પોડકાસ્ટનાં માધ્યમથી ફિલ્મ પ્રમોટ કરવા માંગે છે 

આમિર ખાન આજકાલ પોતાની ફિલ્મ લાલ સિંહ ચડ્ઢાનાં પ્રમોશાન્માં લાગ્યા છે. જોકે તેઓ કોઈ શો પર પ્રમોશન માટે નથી જઈ રહ્યા કે પછી કોઈ ઇવેન્ટ પણ નથી કરી રહ્યા. તેમણે એક નવો રસ્તો અપનાવ્યો છે. તેઓ પોતાની આ ફિલ્મનાં ન સાંભળ્યા હોય, તેવા કિસ્સાઓને પોડકાસ્ટનાં માધ્યમથી લોકો સુધી પહોંચાડી રહ્યા છે. હાલમાં જ તેઓ રાજસ્થાનમાં હતા, જ્યાંથી તેમણે પોડકાસ્ટ કર્યું અને ફિલ્મના ટાઈટલ સોંગને ક્યા પ્રકારે બનાવવામાં આવ્યું, તે વિષે વાત કરી. પ્રીતમ અને અભિતાભ ભટ્ટાચાર્યનાં પણ પેટભરીને વખાણ કર્યા. સાથે એ પણ જણાવ્યું કે તેમને ફિલ્મ બનાવવામાં 14 વર્ષનો સમય લાગ્યો હતો. 

આમિર પોડકાસ્ટનાં માધ્યમથી સંભળાવી સ્ટોરી 
રેડ એફએમનાં માધ્યમથી કરવામાં આવેલ પોડકાસ્ટની શરૂઆત આમિરે પોતાના જ અંદાજમાં કરી. તેમણે કહ્યું કે ગાઈઝ, નમસ્કાર...હું આમિર ખાન. હું આ સમયે નવલગઢમાં બેઠો છું. રાજસ્થાનમાં ઝૂનઝૂનુની નજીક અને કદાચ તમને સંભળાતું હશે કે અહી મોર ખૂબ જ છે, તો તેમના અવાજો પણ આવતા રહે છે પરંતુ વાતાવરણ સારું છે. સારું લાગી અહ્યું છે કે અહી બેઠો છું અને તમારી સાથે વાતચીત કરી રહ્યો છું અને અહી મજા માણી રહ્યો છું. 

આગળ તેઓ કહે છે કે હું અહી શૂટિંગ પહેલા આવ્યો છું અને તમારી સાથે વાતચીત કરવાનું મન થયું એટલે આ પોડકાસ્ટ કરી રહ્યો છું. અમારી ફિલ્મ લાલ સિંહ ચડ્ઢા ઓલમોસ્ટ કમ્પલીટ થઇ ચુકી છે અને આ એક એવી ફિલ્મ છે જે આ સમયે મે મહિના બાદ જૂન  અને જુલાઈમાં 14 વર્ષ પૂરા થઇ જશે, જ્યારથી અમે આ ફિલ્મની શરૂઆત કરી હતી તેને. એટલે કે અમે આ ફિલ્મ વિષે વિચાર્યું હતું કે આ બને અને 14 વર્ષ લાગ્યા છે આ ફિલ્મને બનાવવામાં. તો ઘણી લાંબી યાત્રા રહી છે અમારી. પહેલા ઘણા વર્ષ તો રાઈટ્સ પાછળ જ પડ્યા હતા અમે. 

ફિલ્મના સોંગનો માત્ર ઓડિયો જ રિલીઝ કરાયો છે

આગળ આમિર જણાવે છે કે ઘણા લોકોએ મને પૂછ્યું કે તમે આ ફિલ્મના ટાઈટલ સોંગનો વીડિયો શા માટે રિલીઝ ન કર્યો. મને એવું લાગી રહ્યું હતું કે ઘણા સમયથી આપણે સાંભળતા નથી, આપણે સાંભળવાનું જ બંધ કરી દીધું છે. ગીતો આપણે યૂ ટ્યુબ પર જોઈએ છીએ, સંભાળતા નથી. સાંભળવાનું ઓછું થઇ ગયું છે, એટલા માટે હું ઈચ્છતો હતો કે જે ગીતો પ્રીતમે બનાવ્યા છે અને અમિતાભે લખ્યા છે, આટલા સુંદર ગીતો બનાવ્યા છે, તે આપણે સાંભળીએ. 

હું ઈચ્છું છું કે પહેલા તમે માત્ર સોંગ સાંભળો - આમિર ખાન 

આગળ તેઓ બોલે છે કે મને અદ્વૈતને , અમને બધાને પૂરો કોન્ફીડંસ છે, અમિતાભ પર, પ્રીતમ પર, અમારા બધા જ સિંગર્સ પર. તેઓ એટલા ટેલેન્ટેડ, એટલા શાનદાર કલાકારો છે કે જે ગીતો વગાડશે, તેમને ફિલ્મના દ્રશ્યોની જરૂર નથી. 

પોતાની રીતે જ આ ગીતો તમારા હૃદય સુધી પહોંચી જશે. આ મને વિશ્વાસ છે અમારી મ્યુઝિક ટીમ પર. તો હું ઈચ્છતો હતો કે આ ગીતો તમે સાંભળો અને અનુભવ કરો. પ્રીતમ આપણને ક્યા ભાવમાં લઇ જઈ રહ્યા છે, તેના બોલ શું કહે છે, તેની એક અલગ જ મજા છે. અમુક દિવસો બાદ આપણે તેના દ્રશ્યો પણ રિલીઝ કરીશું. પરંતુ હું એમ ઇચ્ચાતો હતો કે તમે આ અનુભવ કરો, એટલા માટે આપણા જે ગીતો છે, એ પહેલા તમે સાંભળી શકશો અને પછી જ જોઈ શકશો.