જન્માષ્ટમીની ઉજવણી દેશભરમાં ભારે હર્ષોઉલ્લાસથી કરવામાં આવી. દેશના વિવિધ વિસ્તારોમાં યુવકોએ 'મટકી ફોડ' નો કાર્યક્રમ કર્યો, તો બોલિવુડ સ્ટાર્સે પણ 'દહીહાંડી' ફોડીને તહેવારની અલગ અંદાજમાં ઉજવણી કરી.
બોલિવુડના કિંગખાનથી લઇને કરિના-સૈફના દિકરા તૈમૂરે જન્માષ્ટમીની ઉજવણી કરી. સોશ્યલ મીડિયા પર શાહરૂખ ખાન, આમિર ખાન, શિલ્પા શેટ્ટીના દિકરા અને કરિના-સૈફના તૈમૂરનો વીડિયો વાયરલ થઇ રહ્યો છે. આ વીડિયોમાં તેઓ 'દહીહાંડી' ફોડતા જોવા મળી રહ્યા છે.
બોલિવુડના કિંગ ખાન શાહરૂખ દરવર્ષએ જન્માષ્ટમીના તહેવારની ઉજવણી કરે છે, આ વર્ષે પણ એવુ જ થયું. દહીહાંડી ફોડતો શાહરૂખનો વીડિયો વાયરલ થયો છે, આ વીડિયોમાં જોઇ શકાય છે કે એક્ટર પોતાના ગાર્ડના ખભા પર ચઢીને નારિયેળની મદદથી દહી હાંડી ફોડે છે.
તો બીજી તરફ આમિર ખાને પોતાના દિકરા આઝાદ સાથે જન્માષ્ટમીની ઉજવણી કરી. આમિર અને તેની પત્ની કિરન રાવે ઘરે જ દહીહાંડીનો આયોજન કર્યુ હતુ. આમિરે દિકરા આઝાદને પીઠ પર ઉભા રાખીને તેને દહી હાંડી ફોડવામાં મદદ કરે. કિરણ રાવ આ બંનેનો વીડિયો લઇ રહી છે. આ દરમિયાન આમિર ખાન બાળકોની સાથે મસ્તી પણ કરી રહ્યો છે.
સૈફ અલી ખાન અને કરિના કપૂર તાજેતરમાં જ વિદેશથી પરત ફર્યા. તૈમૂર અલી ખાને પણ કાન્હા બનીને જન્માષ્ટમીની ઉજવણી કરી. તૈમૂરે પોતાની બહેન ઇનાયા ખેમૂ સાથે જન્માષ્ટમીની ઉજવણી કરી. એક ગાર્ડ તૈમૂરને ખભા પર ઉંચકીને દહીહાંડી ફોડવામાં મદદ કરી રહ્યો છે, પરંતુ તૈમૂર દહીહાંડીની જગ્યાએ ફૂગ્ગા ફોડી રહ્યો છે, જેનો વીડિયો સોશ્યલ મીડિયા પર વાયરલ થઇ રહ્યો છે.
આ સિવાય બોલિવુડ એક્ટ્રેસ શિલ્પા શેટ્ટીએ દિકરા વિવાનનો વીડિયો શૅર કર્યો છે, જેમાં તે દહીહાંડી ફોડતો જોવા મળી રહ્યો છે. શિલ્પા શેટ્ટીના પતિ રાજ કુન્દ્રા પણ દિકરાનો વીડિયો બનાવી રહ્યા છે. શિલ્પાએ વીડિયો શૅર કરતા લખ્યુ કે, ''નાના બાળગોપાલનું જન્માષ્ટમી સેલિબ્રેશન. તમને પણ જન્માષ્ટમીની શુભકામનાઓ..''