વિવાદ / આમિર ખાનને સાસણ ગીરની મુલાકાત લેવી પડી ભારે, વિવાદ સર્જાતા હાઈકોર્ટમાં અરજી

હકીકતમાં આમિર ખાનની સાસણ ગીરની મુલાકાતને લઇને એક સામાજિક કાર્યકરે સુઓમોટો કરવા હાઇકોર્ટમાં અરજી કરી છે. અરજીકર્તાએ દાવો કર્યો છે કે વન વિભાગે આમિર ખાનને VIP સેવા આપી છે. જેમાં ગેરકાયદેસર રીતે સિંહ-સિંહણો રસ્તા પર મૂકાયા છે તેવો દાવો કરવામાં આવ્યો છે જેના પગલે વિવાદ સર્જાયો છે. 

પ્રાણીઓને બંદી બનાવવાનો આરોપ

સામાજિક કાર્યકરનો આરોપ છે કે કલાકો સુધી વન્ય પ્રાણીઓને બંદી બનાવી દર્શન કરાવાય છે. આ માટે કાયદેસર કાર્યવાહી કરવા ગુજરાત હાઇકોર્ટમાં સામાજિક કાર્યકર સામાજિક કાર્યકર ભનુ નાગા ઓડેદરા દ્વારા અરજી કરવામાં આવી છે. ઉલ્લેખનીય છએ કે અભિનેતા આમિર ખાને પરિવાર અને મિત્રો સાથે  સાસણ ગીરમાં સિંહ દર્શન કર્યા હતા.

આમિર ખાનની પોરબંદર ઍરપોર્ટ પર તસવીરો વાયરલ થઈ હતી

મહત્વનું છે કે 26 ડિસેમ્બરના રોજ આમિર ખાન તેના પરિવાર સાથે એનીવર્સરી ઉજવવા ગુજરાત આવ્યા હતાં. ઍક્ટર પોતાના પરિવાર સાથે પોરબંદર ઍરપોર્ટ પહોંચ્યો હતો અને ત્યાંથી સાસણગીર જવા નીકળ્યો હતો. આ દરમ્યાન ઍરપોર્ટ પર તેના ફોટો અને વીડિયો વાયરલ થયા હતા.

આ પહેલા પણ સ્ટાર્સ આવ્યા ગુજરાત 

આમિર ખાન પહેલા પણ શાહરુખ ખાન રઇસની શૂટિંગ માટે અમદાવાદ આવ્યા હતા. અમિતાભ બચ્ચન પણ ગુજરાત ટુરિઝમની એડના શૂટિંગ માટે ગુજરાત આવ્યા હતા. સલમાન ખાન પણ ઉત્તરાયણની ઉજવણી કરવા માટે ગુજરાત આવ્યા છે. 

લાલ સિંહ ચઢ્ઢાનું શૂટિંગ 

હાલમાં આમિર ખાન ફિલ્મ લાલ સિંહ ચઢ્ઢાનું શૂટિંગ કરી રહ્યો છે. મહત્વનું છે કે લાલ સિંહ ચઢ્ઢા એ હોલિવૂડ ફિલ્મ ફોરેસ્ટ ગમ્પની ઓફિશીયલ રિમેક છે. 
 

This was only possible due to massive & sustained conservation efforts of our Dept. Officials & local people under inspiration & guidance of @PMOIndia ,who has recently approved #ProjectLion to further boost our efforts to Protect & conserve #Gujarat’s Pride pic.twitter.com/H9O5P8c6hk

— GujaratForestDept (@GujForestDept) December 28, 2020

ગુજરાત ફોરેસ્ટ ડીપાર્ટમેન્ટ

ગુજરાત ફોરેસ્ટ ડીપાર્ટમેન્ટ દ્વારા અભિનેતા આમીર ખાનની ગીર મુલાકાતને લઇને ટ્વિટ કરી જણાવ્યું  કે અભિનેતા આમિર ખાન તેમજ તેનો પરિવાર રોયલ કિંગ અને જંગલ સફારીની મુલાકાત લઇને ઘણો ખુશ થયો.