આમિરે કહ્યું કે તેના પિતા તાહિર હુસૈન એક ફિલ્મ નિર્માતા હતા, તેથી લોકો માનતા હતા કે તે વૈભવી જીવન જીવે છે પણ વાસ્તવિકતા આનાથી અલગ હતી.
હાલ એક ઇન્ટરવ્યૂમાં આમિર ખાનનું દર્દ છલકાયું
આમિરે ઇન્ટરવ્યૂ અધવચ્ચે જ છોડી પોતાને શાંત કરવા થોડો સમય લીધો
આમિર તેના જૂના દિવસોને યાદ કરીને અવારનવાર પરેશાન થઈ જાય
બોલિવૂડના મિસ્ટર પરફેક્શનિસ્ટ આમિર ખાનની દરેક સ્ટાઇલ પર તેના ફેન્સ હંમેશા ફીદા રહે છે. આમિરે હંમેશા પોતાની ફિલ્મોથી ચાહકોનું દિલ જીત્યું છે. આમિરની સાથે સાથે તેનાં પરિવારને લઈને પણ ઘણી વાતો ચર્ચામાં રહે છે અને ઘણા લોકોને લાગે છે કે આમિરે લક્ઝરી લાઈફ જીવી છે, પણ સત્ય શું છે, આમિરે હાલ એક ઇંટરવ્યૂમાં તેનાં ફેન્સને કહ્યું છે.
આમિર ખાનનું છલકાયું દર્દ
આમિર ખાને તેના લેટેસ્ટ ઈન્ટરવ્યુમાં જણાવ્યું હતું કે જ્યારે તે મોટા થઈ રહ્યા હતા ત્યારે તેના પરિવારની આર્થિક સ્થિતિને લઈને લોકોના મનમાં ઘણી ગેરમાન્યતાઓ હતી. આમિરે કહ્યું કે તેના પિતા તાહિર હુસૈન એક ફિલ્મ નિર્માતા હતા, તેથી લોકો માનતા હતા કે તે વૈભવી જીવન જીવે છે. પરંતુ વાસ્તવિકતા આનાથી અલગ હતી. આમિરે જણાવ્યું હતું કે જ્યારે તે 10 વર્ષનો હતો ત્યારે તેના પરિવારે ખૂબ જ મુશ્કેલ સમય જોયા હતા. તેના પિતાએ આ ફિલ્મ માટે વ્યાજ પર લોન લીધી હતી પણ તે ફિલ્મ લગભગ 8 વર્ષ સુધી બની શકી ન હતી. જૂના દિવસોને યાદ કરીને આમિર એટલો ભાવુક થઈ ગયો કે તેણે ઈન્ટરવ્યુ અધવચ્ચે જ છોડી દીધું હતું અને પોતાને શાંત કરવા થોડો સમય લીધો હતો.
અબ્બા જાન જોઈને આમિરને કેમ તકલીફ થતી?
આમિરે ઈન્ટરવ્યુમાં કહ્યું હતું કે જૂના દિવસોને યાદ કરીને અવારનવાર પરેશાન થઈ જાય છે અને તેની આંખો આંસુઓથી ભરાઈ જાય છે. તે સમયે અબ્બા જાનને જોઈને સૌથી વધુ દુઃખ થતું હતું, કારણ કે તે ખૂબ જ સરળ વ્યક્તિ હતા. કદાચ તે સમજી શક્યા નહતા કે એમને આટલી લોન ન લેવી જોઈએ.
આમિરે વધુમાં જણાવ્યું હતું કે એ સમયે ફિલ્મોની ટિકિટો બ્લેકમાં વહેંચાતી હતી જેના કારણે ઘણી વખત નિર્માતાઓને પણ તેમના પૈસા નહોતા મળતા. તેના પિતાની ઘણી ફિલ્મો પણ ચાલી હતી પણ તેમ છતાં તેની પાસે ક્યારેય પૈસા નહોતા. તેને મુશ્કેલીમાં જોવું દુખદાયક હતું કારણ કે તેને એવા લોકોના ફોન આવતા હતા જેમની પાસેથી તેણે પૈસા લીધા હતા અને એમનો ઝઘડો ફોન પર જ શરૂ થઈ જતો હતો કે શું કરું, મારી પાસે પૈસા નથી. મારી ફિલ્મ અટકી ગઈ છે, મને મારા એક્ટર્સ ડેટ્સ નથી આપી રહ્યા, મારે શું કરવું જોઈએ.
આમિર ખાને એ આગળ એમ પણ જણાવ્યું હતી કે જણાવ્યું કે ભલે તેણે બાળપણમાં આર્થિક સંકટનો સામનો કરવો પડ્યો હતો પણ તેની શાળાની ફી હંમેશા સમયસર ચૂકવવામાં આવતી હતી. સાથે જ એમને એમ પણ જણાવ્યું કે તેની માતા તેના માટે લાંબી પેન્ટ ખરીદતી હતી અને તેને નીચેથી ફોલ્ડ કરીને પહેરાવતી હતી જેથી પેન્ટ લાંબા સમય સુધી ટકી શકે.