ખુલાસો / બે-બે લગ્ન તૂટયા પછી આમિર ખાનને યાદ આવ્યો પહેલો પ્રેમ, બધાની સામે કર્યું કબૂલ

• આમિર ખાન અપકમિંગ ફિલ્મ લાલ સિંહ ચડ્ઢાને લઇને વધુ એક્સાઈટેડ
• ગીત લોન્ચિંગ દરમ્યાન આમિર ખાને તેના પ્રથમ પ્રેમનો ખુલાસો કર્યો
• આ ફિલ્મ 11 ઓગષ્ટથી થિયેટરોમાં રીલીઝ થશે 

આમિર ખાનનો પહેલો પ્રેમ 

હાલમાં ફીર ના એસી રાત આએગીના ગીત લોન્ચિંગ દરમ્યાન આમિરે ગીતની થીમને ધ્યાનમાં રાખીને પોતાના પ્રથમ પ્રેમને યાદ કર્યો. અભિનેતાએ કહ્યું કે આ એ સમય હતો જ્યારે હું ટેનિસ રમતો હતો તે પણ મારી સાથે તે ક્લબમાં હતી અને એક દિવસ મને ખબર પડી કે તે તેના પરિવારની સાથે દેશ છોડીને જતી રહી છે તે સમયે ખૂબ દુ:ખી થયો હતો. મુશ્કેલ વાત એ છે કે તે જાણતી નહોતી કે હું તેને પસંદ કરતો હતો. તેનાથી બસ એક સારી વસ્તુ થઇ કે હું વધુ સારો ટેનિસ ખેલાડી બની ગયો. બાદમાં થોડા વર્ષો બાદ મેં રાજ્ય કક્ષાની ચેમ્પિયનશીપમાં ટેનિસ રમી અને નેશનલ લેવલ ચેમ્પિયન બની ગયો. 

રીલીઝ માટે તૈયાર ફિલ્મ 

આમિર ખાન અત્યારે પોતાની અપકમિંગ ફિલ્મ લાલ સિંહ ચડ્ઢાની રીલીઝ માટે તૈયાર છે. અદ્વૈત ચંદન દ્વારા નિર્દેશિત આ ફિલ્મ 11 ઓગષ્ટથી થિયેટરોમાં રીલીઝ થશે. આમિર સિવાય આ ફિલ્મમાં કરીના કપૂર ખાન, નાગા ચૈતન્ય અને મોના સિંહ પણ મુખ્ય ભૂમિકામાં જોવા મળશે. રિલીઝ પહેલા નિર્માતા ફિલ્મનુ નવુ ગીત જાહેર કરી રહ્યાં છે અને દર્શકો દ્વારા પણ ખૂબ પસંદ કરાઈ રહ્યાં છે. 

છેલ્લાં ઘણા સમયથી અટકી છે ફિલ્મ

મહત્વનું છે કે લાલ સિંહ ચડ્ઢાનુ ટ્રેલર રિલીઝ થયુ છે. પ્રશંસકોને આ ટ્રેલર ખૂબ પસંદ આવ્યું. આ ફિલ્મ પહેલા રીલીઝ થઇ ગઇ હોત પરંતુ લૉકડાઉનને પગલે તેની રીલીઝ ડેટને ઘણી વખત આગળ વધારવામાં આવી છે. હવે તેની રીલીઝ ડેટ 11 ઓગષ્ટ રાખવામાં આવી છે અને આમિર આ ફિલ્મનુ જોરશોરથી પ્રમોશન કરી રહ્યાં છે.