Viral / Fact Check : આમિર ખાને લોટના પેકેટમાં લોકોને રૂપિયા આપી દાન કર્યાનો દાવો, જાણો હકીકત

હકીકતમાં એક ટિકટોક વીડિયોમાં એવો દાવો કરવામાં આવ્યો હતો કે, 23 એપ્રિલે દિલ્હીના એક વિસ્તારમાં આમિર ખાને ટ્રક ભરીને લોટના 1-1 કિલોના પેકેટ મોકલ્યા. જેની અંદર 15 હજાર રૂપિયા છુપાયેલા હતા. જોકે, હજી સુધી એ વીડિયો વિશે કોઈ પુષ્ટિ થઈ નથી. 

બોલિવૂડ લાઈફની રિપોર્ટ મુજબ વીડિયોમાં એવો દાવો કરવામાં આવ્યો છે કે, કેટલાક લોકોએ લોટ લેવાથી ઈન્કાર કરી દીધો હતો. કારણ કે તેમને લાગ્યું કે, એક કિલો લોટ તેમના પરિવારની શું મદદ કરશે. વીડિયોમાં બતાવવામાં આવ્યું કે, જે લોકોએ લોટના આ પેકેટ લીધા તો એ પેકેટ ખોલતા જ તેમના હોશ ઉડી ગયા, કારણ કે, દરેક પેકેટમાં 15 હજાર રૂપિયા છુપાયેલા હતા. ટિકટોક વીડિયોમાં એવો દાવો કરવામાં આવ્યો હતો કે, તેની પાછળ આમિર ખાનનો હાથ છે. 

Wow AAMIR KHAN. ♥️

Proud of you. Love you. pic.twitter.com/Zef3ukUPTw

— 🍩 (@spot_boyy) April 22, 2020

તમને જણાવી દઈએ કે, આમિર ખાન જે કંઈ પણ દાન કરે છે તેના વિશે ક્યારેય સોશિયલ મીડિયા પર કંઈ કહેતો નથી. જોકે, જે વીડિયો વાયરલ થઈ રહ્યો છે તેના પાછળની હકીકત જાણવા માટે મીડિયાએ આમિરની ટીમને કોન્ટેક્ટ કરવાની કોશિશ કરી પરંતુ તેની ટીમ તરફથી કોઈ જ રિસ્પોન્સ મળ્યો નથી. આમિર ખાન હાલ તેના પરિવાર સાથે સેલ્ફ આઈસોલેશનમાં સમય વિતાવી રહ્યો છે. જોકે, આ વીડિયોમાં કેટલી સચ્ચાઈ છે તે વિશે એક્ટરે હાલ કોઈ પ્રતિક્રિયા આપી નથી.