બોલિવૂડ એક્ટર આમિર ખાનની દીકરી ઇરા ખાનએ ખુલાસો કર્યો છે કે, જ્યારે તે ટીનેજ હતી ત્યારે એક વ્યક્તિએ તેનું યૌન શોષણ કર્યું હતું. આ પહેલાં તેણે જણાવ્યું હતું કે, 4 વર્ષથી વધુ સમય સુધી તેનો ડિપ્રેશનનો ઇલાજ ચાલ્યો છે.
આમિર ખાનની દીકરી ઇરા ખાને કર્યો ચોંકાવનારો ખુલાસો
ઈરાએ કહ્યું, એક વ્યક્તિએ તેનું યૌન શોષણ કર્યું હતું
4 વર્ષથી વધુ સમય સુધી ડિપ્રેશનમાં રહી છે ઈરા
ઈરાએ તેના ઈન્સ્ટાગ્રામ એકાઉન્ટ પર પોસ્ટ કરેલાં 10 મિનિટના એક વીડિયોમાં કહ્યું,'જ્યારે હું 14 વર્ષની હતી ત્યારે મારું યૌન શોષણ થયું હતું. તે આ સમયે થોડી અજીબ સ્થિતિમાં હતી. મને નહોતી ખબર કે તે વ્યક્તિને જાણ છે કે તે શું કરી રહ્યો હતો, હું તેને જાણતી હતી, જોકે આવું દરરોજ નહોતું થતું.
ઈરા ખાને રવિવારે એક વીડિયો ક્લિપમાં કહ્યું કે, 'મને આ બધું સમજવામાં લગભગ એક વર્ષ લાગી ગયો હતો. પછી મે તરત જ મારા માતા પિતાને એક ઇમેલ લખ્યો અને પોતાને એ સ્થિતિમાંથી બહાર કાઢી. 23 વર્ષીય ઈરાનું કહેવું છે કે, જ્યારથી તે એ સ્થિતિમાંથી બહાર આવી ગઈ, એ પછી તેને એ વાતનું ખરાબ લાગતું નથી. તેણે કહ્યું કે, તેને આ વિચારીને ગુસ્સો આવે છે કે, તેણે આવું કેમ થવા દીધું.
ઈરા કહે છે કે, 'હું ડરી નહોતી. મને એવું લાગી રહ્યું હતું કે, હવે મારી સાથે આવું નથી થઈ રહ્યું અને હવે એ બધું ખતમ થઈ ગયું છે. હું આગળ વધી ગઈ, પણ આ એવું કંઈ નહતું. જેણે મને આજીવન ડરાવી હોય. ઈરા ખાને કહ્યું કે, તેના માતા પિતાનાડિવોર્સથી પણ તેને આઘાત નહોતો લાગ્યો, કારણ કે તે સૌહાર્દપૂર્ણ હતા. આમિર ખાન અને રિના દત્ત તેમના લગ્નના 16 વર્ષ બાદ વર્ષ 2002માં અલગ થયા હતા. તેમને આ લગ્નથી એક દિકરો જૂનૈદ ખાન અને એક દીકરી ઈરા ખાન છે.