બોલિવૂડ / આમિરની દીકરી ઈરા ખાન સાથે કામ કરવાની સોનેરી તક, જાણો કઈ રીતે એપ્લાય કરવું અને કેટલા રૂપિયા મળશે

• આમિર ખાનની દીકરી ઈરા ખાનને ઈન્ટર્ન્સની છે જરૂર
• ઈરાએ માનસિક સ્વાસ્થ્ય પર કામ કરવાનું શરૂ કર્યું છે
• ઈરા ઈન્ટર્ન્સને આપશે સેલરી

હકીકતમાં ઈરાએ માનસિક સ્વાસ્થ્ય પર કામ કરવાનું શરૂ કર્યું છે. તેણે આ કામ માટે કેટલીક જોબ વેકેન્સી પણ કાઢી છે, જેની માહિતી તેણે પોતાની ઈન્સ્ટા સ્ટોરી પર આપી છે. ઈરા માનસિક સ્વાસ્થ્યમાં રસ ધરાવતા લોકોને નોકરી આપી રહી છે. ઈરાની આ પહેલની સોશિયલ મીડિયા પર પણ પ્રશંસા થઈ રહી છે. તો ચાલો તમને જણાવીએ આ જોબ વિશે ડિટેલ્સ.

ઈરાએ ઈન્સ્ટા સ્ટોરીમાં લખ્યું છે કે તે આ જોબ માટે 25 ઇન્ટર્ન શોધી રહી છે, જેમને તે મહિનામાં પગાર રૂપે 5000 રૂપિયા આપશે. તેણે એમ પણ કહ્યું છે કે આ નોકરી ફક્ત કોલ્સ અને ઈમેલ્સ માટે જ હશે. તેનું કહેવું છે કે તેને દેશના દરેક રાજ્યમાંથી એક-એક ઇન્ટર્નની જરૂર છે, જે માનસિક સ્વાસ્થ્ય પર કામ કરી શકે.

સૌથી મહત્વની વાત એ છે કે આ ઇન્ટર્નશિપ ફક્ત એક મહિનાની જ હશે. સાથે જ આ કામ 22 માર્ચથી શરૂ કરવામાં આવશે અને દરરોજ 8 કલાકની શિફ્ટ કરવામાં આવશે. હવે તમે આ નોકરી માટે કેવી રીતે અરજી કરશો, તો તેના માટે તમે ઈમેજમાં જણાવેલી ઈમેજ પર આપેલાં ઈમેલ એડ્રેસ પર સીવી મોકલી શકો છો. 

આ સાથે જ ઈરાએ એમ પણ કહ્યું છે કે, જે લોકો આ પ્રોજેક્ટમાં કોઈપણ પૈસા વિના જોડાવા માંગતા હોય, તેઓ પણ તેમના બે કલાક આપી શકે છે અને આ પ્રોજેક્ટમાં જોડાઇ શકે છે. તમને જણાવી દઈએ કે, ઈરા ઇન્સ્ટાગ્રામ પર ખૂબ જ એક્ટિવ રહે છે અને અહીં તે તેની લેટેસ્ટ ફોટોઝ શેર કરતી રહે છે. ઈન્સ્ટાગ્રામ પર 3 લાખથી વધુ લોકો ઇરાને ફોલો કરે છે. તેથી તે હંમેશાં તેના ફોલોઅર્સ માટે ઇન્સ્ટાગ્રામ પર અપડેટ્સ આપતી રહે છે.