ખુલાસો / ફી ન ભરી શકવાના કારણે સ્કૂલમાં થયું હતું અપમાન, જુના દિવસો યાદ કરી રડી પડ્યો આમિર ખાન

• આમિર ખાને કર્યા અંગત જીવનને લઈને ખુલાસા 
• આમિર ખાનને છે 4 ભાઈ-બહેન 
• ભાઈ ફૈઝલ ખાન પણ કરે છે ફિલ્મોમાં કામ 

આમિર ખાન તેની આગામી ફિલ્મ લાલ સિંહ ચઢ્ઢાના પ્રમોશનમાં વ્યસ્ત છે. આમિર ખાનને બોલિવૂડનો મિસ્ટર પરફેક્શનિસ્ટ કહેવામાં આવે છે. પરંતુ એક સમય એવો હતો જ્યારે અભિનેતાને સ્ટ્રગલ કરવી પડી હતી. હમણાં જ આમિર ખાને એક ઈન્ટરવ્યુમાં એ દિવસોને યાદ કર્યા જ્યારે અભિનેતાના પરિવાર પાસે તેની અને તેના ભાઈ-બહેનોની શાળાની ફી સમયસર ભરવા માટે પણ પૈસા નહોતા.

 

 

 

 

View this post on Instagram

 

 

 

 

 

 

 

 

 

 

 

A post shared by Aamir Khan (@amirkhanactor_)

આ વાત યાદ કરીને રડી પડ્યો આમિર 
એકવાર લેટ ફી ભરવાના કારણે શાળાના પ્રિન્સિપાલે એસેમ્બલીમાં આમિર અને તેના ભાઈ-બહેનોનું નામ લીધુ હતું. ઈન્ટરવ્યુમાં આમિર ખાને એ દિવસોને યાદ કર્યા જ્યારે તેનો પરિવાર દેવામાં ડૂબી ગયો હતો. આ દેવામાંથી બહાર આવતાં તેમના પરિવારને આઠ વર્ષ લાગ્યાં. શાળાના દિવસોમાં આમિર ખાનની ધોરણ 6ની ફી 6 રૂપિયા હતી, ધોરણ 7 માટે 7 રૂપિયા અને 8માં ધોરણની ફી 8 રૂપિયા હતી.

તેણે કહ્યું કે ફી ઘણીવાર મોડી ચૂકવવામાં આવતી હતી. આ માટે તેને એક બે વાર વોર્નિંગ પણ મળી હતી. પરંતુ જ્યારે ફી જમા કરાવવામાં સતત મોડુ થતું રહ્યું ત્યારે એક દિવસ આચાર્યએ આખી સ્કૂલ સામે એસેમ્બલીમાં તેમના નામની જાહેરાત કરી. જ્યારે આમિર ખાન આ કિસ્સાનો ઉલ્લેખ કરી રહ્યો હતો ત્યારે તેની આંખોમાંથી આંસુ વહેવા લાગ્યા હતા.

ઈન્ડસ્ટ્રીમાં આવ્યા બાદ સુધરી આમિર ખાનની હાલત!
તમને જણાવી દઈએ કે આમિર ખાન પ્રખ્યાત ફિલ્મ નિર્માતા તાહિર હુસૈન અને ઝીનત હુસૈનનો પુત્ર છે. આમિર ખાનને ચાર ભાઈ-બહેન છે. આમિર ખાનનો ભાઈ ફૈઝલ ખાન પણ ફિલ્મોમાં કામ કરતો હતો. તેની બહેનો ફરહત ખાન અને નિખત ખાન લાઈમલાઈટથી દૂર છે. 

 

 

 

 

View this post on Instagram

 

 

 

 

 

 

 

 

 

 

 

A post shared by Aamir Khan (@amirkhanactor_)

આમિર ખાન તેની બહેનો અને ભાઈઓમાં સૌથી મોટો છે. આમિર ખાનના પરિવારની આર્થિક સ્થિતિ પહેલા ખૂબ જ ખરાબ હતી. થોડા વર્ષો પછી જ્યારે આમિર ખાન ઈન્ડસ્ટ્રીમાં આવ્યો તો તેની સ્થિતિમાં સુધારો થયો.

યાદો કી બારાતથી કર્યો હતો ઈન્ડસ્ટ્રીમાં પ્રવેશ 
બોલિવૂડ એક્ટર આમિર ખાને ફિલ્મ યાદો કી બારાતથી બાળ કલાકાર તરીકે ઇન્ડસ્ટ્રીમાં પ્રવેશ કર્યો હતો. આ પછી તેણે કયામત સે કયામત તક ફિલ્મથી બોલિવૂડમાં એન્ટ્રી કરી. આમિર ખાને પોતાના કરિયરમાં ઘણી હિટ ફિલ્મો આપી છે. રાજા હિન્દુસ્તાની, સરફરોશ, લગાન અને રંગ દે બસંતી માટે આમિર ખાનની હંમેશા પ્રશંસા થાય છે.