એરપોર્ટ ઓથોરિટી ઓફ ઇન્ડિયાએ 150થી વધુ પદો માટે ભરતી જાહેર કરી છે. આ ભરતી માટેની અરજીઓ ઓનલાઇન કરવી પડશે, જાણો સંપૂર્ણ વિગત અહી.
એરપોર્ટ ઓથોરિટીમાં આવી ભરતી
150થી વધુ પદો માટે ભરતી જાહેર
ધોરણ 10 પાસ લોકો આવેદન કરી શકશે
સરકારી નોકરીનું સપનું જોનારા અને તેની તૈયારી કરનારા ઉમેદવારો માટે સારા સમાચાર સામે આવ્યા છે. એરપોર્ટ ઓથોરિટી ઓફ ઇન્ડિયા/એએઆઈએ 150થી વધુ પદો માટે ભરતી જાહેર કરી છે. આ ભરતી માટેની અરજીઓ ઓનલાઇન મોડમાં મંગાવવામાં આવે છે. જે ઉમેદવારો આ ભરતીમાં જોડાવા માંગતા હોય તેઓ એરપોર્ટ ઓથોરિટી ઓફ ઈન્ડિયાની સત્તાવાર વેબસાઇટ પર જઈને તેમની અરજી સબમિટ કરી શકે છે. આવો જાણીએ આ ભરતીની સંપૂર્ણ વિગતો અને અરજી કરવાની સંપૂર્ણ પ્રક્રિયા.
આ પદો માટે ભરતી
એરપોર્ટ ઓથોરિટી ઓફ ઇન્ડિયા દ્વારા બહાર પાડવામાં આવેલી ભરતી દ્વારા કુલ 156 ખાલી જગ્યાઓ માટે પાત્ર ઉમેદવારોની પસંદગી કરવામાં આવશે. પસંદગી પામેલા ઉમેદવારોને ભરતી હેઠળ જુનિયર આસિસ્ટન્ટ અને સિનિયર આસિસ્ટન્ટની જગ્યાઓ પર નિયુક્ત કરવામાં આવશે. ઉમેદવારોની પસંદગી લેખિત પરીક્ષાના આધારે કરવામાં આવશે.
આ તારીખથી ફોર્મ ભરાશે
AAI દ્વારા બહાર પાડવામાં આવેલી ભરતી માટેની અરજી પ્રક્રિયા 01 સપ્ટેમ્બર, 2022 થી શરૂ થશે અને એરપોર્ટ ઓથોરિટી ઓફ ઇન્ડિયાએ અરજી કરવાની છેલ્લી તારીખ 30 સપ્ટેમ્બર, 2022 ના રોજ નક્કી કરી છે. ભરતીમાં જોડાવા ઇચ્છુક ઉમેદવારોએ છેલ્લી તારીખ પહેલા તેમનુ આવેદન પૂર્ણ કરી દેવું જોઈએ.
શૈક્ષણિક યોગ્યતા અને વયમર્યાદા
આ ભરતી માટે અરજી કરનારા ઉમેદવારો પાસે પદો અનુસાર દસમાથી સ્નાતક સુધીની ડિગ્રી હોવી જોઈએ. ઉમેદવારોની વયમર્યાદા ઓછામાં ઓછી 18 વર્ષ અને મહત્તમ 40 વર્ષ હોવી જોઈએ. ઉમેદવારોને દર મહિને 1,10,000 રૂપિયા સુધીનો પગાર આપવામાં આવશે. વધુ માહિતી માટે ઓફિશિયલ વેબસાઈટ https://www.aai.aero ની મુલાકાત લો.
કેવી રીતે કરશો અરજી?
સૌ પ્રથમ સત્તાવાર વેબસાઇટ પર જાઓ.
હવે હોમ પેજ પર દેખાતી સંબંધિત ભરતીની લિંક પર ક્લિક કરો.
ક્લિક થતા નવું પેજ ખુલશે
અહીં માંગવામાં આવી રહેલી માહિતી દાખલ કરીને લોગિન કરો.
હવે અહીં માંગવામાં આવી રહેલી માહિતી દાખલ કરો અને અરજી ફોર્મ ભરો.
હવે એપ્લિકેશન ફી ભરો.
એપ્લિકેશન ફોર્મ ડાઉનલોડ કરો અને તેની પ્રિન્ટ આઉટ લો