ઘાતકી મર્ડર / શ્રદ્ધાની હત્યા બાદ રાતે આફતાબના ફ્લેટમાં આવનારી છોકરી ઓળખાઈ, તેનું કામ જાણીને હેરાની થશે

• દિલ્હીમાં શ્રદ્ધા વોલ્કરની હત્યાનો મામલો
• શ્રદ્ધાની હત્યા આફતાબના ફ્લેટમાં આવી હતી બીજી છોકરી
• છોકરી માનસિક રોગોની ડોક્ટર નીકળી
• ડેટિંગ એપ બંબલ દ્વારા આફતાબે ફસાવી હતી 
• આફતાબે શ્રદ્ધાની હત્યા બાદ લાશના કર્યાં 35 ટુકડા

દિલ્હીના મહરૌલી વિસ્તારમાં થયેલી શ્રદ્ધા વોલ્કર હત્યા કેસમાં પોલીસને એક મોટો પુરાવો હાથ લાગ્યો છે. હત્યારા આફતાબ શ્રદ્ધાની હત્યા બાદ તેની લાશના 35 ટુકડા કર્યાં હતા અને ફ્રિજમાં રાખ્યાં હતા આ દરમિયાન બીજી એક છોકરી આફતાબના ફ્લેટમાં આવી હતી તેવો ખુલાસો પોલીસે કર્યો છે. 

માનસિક રોગોની ડોક્ટર આફતાબના ફ્લેટમાં રાતે આવી હતી 

શ્રદ્ધા વોકરની હત્યા બાદ આરોપી આફતાબે ડેટિંગ એપ બમ્બલ દ્વારા અન્ય એક યુવતીને પોતાના ઘરે બોલાવી હતી. દિલ્હી પોલીસે યુવતીની ઓળખ કરી લીધી છે. તમને જાણીને આશ્ચર્ય થશે કે આ છોકરી વ્યવસાયે ડોક્ટર છે અને તે પણ સાયકોલોજિસ્ટ એટલે કે માનસિક રોગોની સારવાર કરતી ડોક્ટર. 

દિલ્હી પોલીસે આફતાબના ફ્લેટમાં આવનારી મહિલાની ઓળખ કરી
દિલ્હી પોલીસે આફતાબના ફ્લેટમાં આવનારી મહિલા ડોક્ટરની ઓળખ કરી લીધી છે. પોલીસે હવે આ ડોક્ટરને પૂછપરછ માટે બોલાવશે અને તેમની પાસેથી આફતાબની વધુ માહિતી લેશે. મહિલા ડોક્ટરે જે રાતે આફતાબના ફ્લેટમા આવી હતી તે રાતે હત્યારા આફતાબે શ્રદ્ધાની હત્યા બાદ લાશના 35 ટુકડા કરીને ફ્રીજમાં મૂકી દીધા હતા પરંતુ લેડી ડોક્ટરને તેની ગંધ સુદ્ધા આવવા દીધી નહોતી. લેડી ડોક્ટર પણ તેના આ કાળા કારનામાથી બેખબર હતી. લેડી ડોક્ટરને ખબર નહોતી કે તે જેની પ્રેમી માને છે તે ખૌફનાક હત્યારો છે અને તેણ તેની અગાઉની પ્રેમિકા શ્રદ્ધાની ઘાતકી કરી નાખી હતી. 

ડેટિંગ એપ બંબલ પર આફતાબે ફસાવી લેડી ડોક્ટરને 
ઉલ્લેખનીય છે કે શ્રદ્ધાની હત્યા બાદ લાશના ટૂકડા ફ્રિજમાં જે રાતે મૂક્યા હતા જે રાતે તેના ફ્લેટમાં લેડી ડોક્ટર આવી હતી અને હત્યારા આફતાબે લેડી ડોક્ટર સાથે રંગરેલિયા મનાવ્યાં હતા. આફતાબે ડેટિંગ એપ બંબલ પર લેડી ડોક્ટરને ફસાવી હતી અને તેને ફ્લેટમાં બોલાવી હતી. 

પોલીસને આફતાબ જુઠ્ઠો લાગી રહ્યો છે, દોરી રહ્યો છે ગેરમાર્ગે 
આફતાબને દિલ્હી પોલીસ પણ દુષ્ટ માને છે. પોલીસ તેની વાતો પર વિશ્વાસ નથી કરી રહી. પોલીસને લાગે છે કે આફતાબ પોલીસને ભ્રમિત કરવા માટે ઘણી ખોટી વાતો કહી રહ્યો છે. આથી દિલ્હી પોલીસ તેના પર નાર્કો ટેસ્ટ કરાવી રહી છે. દિલ્હી પોલીસે ગુરુવારે દાવો કર્યો હતો કે આરોપી આફતાબ પૂનાવાલાએ શ્રદ્ધાની હત્યા કર્યા બાદ તેની લાશ કાપવા માટે પાંચ ચાકુનો ઉપયોગ કર્યો હતો જે મળી આવ્યાં છે પરંતુ મુખ્ય આરી મળી નથી. આફતાબ પૂનાવાલા પર આરોપ છે કે તેણે પહેલા પોતાના લિવ ઇન રિલેશનશિપ પાર્ટનરનું ગળું દબાવીને હત્યા કરી દીધી હતી. આ પછી, તેના શરીરના 35 ટુકડા થઈ ગયા હતા. આફતાબે ફ્રીજમાં શ્રદ્ધાના શરીરના ટૂકડા રાખ્યાં હતા અને કોઈને તેની ગંધ પણ આવવા દીધી નહોતી ત્યાર બાદ તે રોજ રાતે શરીરના ટુકડા ફેંકવા નીકળતો હતો. ઘટના છ મહિના જૂની છે પરંતુ તેનો ખુલાસો પંદર દિવસ પહેલા થયો છે. 

Shraddha murder case: Accused Aaftab to undergo narco test on Nov 28

Read @ANI Story | https://t.co/GVsPX8GPR9#Shraddha #ShraddhaWalkar #ShraddhaMurderCase #AaftabPoonawala pic.twitter.com/Sd6TQZslIF

— ANI Digital (@ani_digital) November 26, 2022

28 નવેમ્બરે આફતાબનો નાર્કો ટેસ્ટ
પોલીસે હવે 28 નવેમ્બરે આરોપી આફતાબનો નાર્કો ટેસ્ટ કરશે અને મહત્વના પુરાવા ભેગા કરશે.  

18 મેના દિવસે આફતાબે દિલ્હીમાં શ્રદ્ધાની કરી હત્યા ઘાતકી હત્યા, લાશના 35 ટુકડા કર્યાં

ઉલ્લેખનીય છે કે દિલ્હીના ચકચારી શ્રદ્ધા હત્યાકાંડમાં આરોપીએ 18 મેના દિવસે દિલ્હીના મહરૌલી વિસ્તારમાં તેની લીવ ઈન પાર્ટનર શ્રદ્ધા વોલ્કરની રાતે હત્યા કરી નાખી હતી અને ત્યાર બાદ પુરાવાનો નાશ કરવા શ્રદ્ધાની લાશના 35 ટુકડા કર્યાં હતા અને તેને દિવસો સુધી ફ્રિજમા સંઘરી રાખ્યાં હતા અને રોજ રાતે એક એક કટકો લઈને તેના નિકાલ માટે નીકળતો હતો. પિતાની ફરિયાદને આધારે પોલીસે જ્યારે આફતાબને પૂછપરછ માટે બોલાવ્યો ત્યારે આ હત્યાકાંડ સામે આવતા લોકોની ઊંઘ ઉડી ગઈ હતી.