નિવેદન / રાઉતના નિવેદનથી શિવસેનાએ છેડો ફાડ્યો, આદિત્ય ઠાકરે કહ્યું, ઇતિહાસની નહીં વર્તમાનની વાત કરો

• સંજય રાઉતના નિવેદન બાદ મહારાષ્ટ્ર સરકારમાં મંત્રી આદિત્ય ઠાકરેએ સ્પષ્ટતા કરી
• આદિત્ય ઠાકરે કહ્યું કે, શિવસેના અને કોંગ્રેસનું ગઠબંધન મજબૂત છે
• મહારાષ્ટ્રમાં સાવરકરના મુદ્દા પર શિવસેના અને કોંગ્રેસની વચ્ચે સતત નિવેદનબાજી

સંજય રાઉતના આ નિવેદનના કેટલાક કલાકો બાદ શિવસેના નેતા આદિત્ય ઠાકરેએ કહ્યું કે સંજય રાઉતે જે પણ સંદર્ભમાં આ નિવેદન આપ્યું છે, તેના વિશે તેઓએ જણાવ્યું છે. આદિત્ય ઠાકરે કહ્યું કે, શિવસેના અને કોંગ્રેસનું ગઠબંધન મજબૂત છે અને રાજ્ય સરકાર વિકાસ માટે સાથે આવ્યા છે. 

નોંધનીય છે કે, મહારાષ્ટ્રમાં સાવરકરના મુદ્દા પર શિવસેના અને કોંગ્રેસની વચ્ચે સતત નિવેદનબાજી થઇ રહી છે. શિવસેના સાંસદ સંજય રાઉતે આ મુદ્દા પર કોંગ્રસનું નામ લીધા વિના ફટકાર લગાવી છે. 

Aaditya Thackeray: Sanjay Raut mentioned in what context he spoke.Shiv Sena-Congress alliance is strong and we came together for development of state.We may have different views on certain issues but this is what democracy is.Instead of history we need to talk of current issues https://t.co/7QL6qsfxZ3 pic.twitter.com/GDizfwYPh8

— ANI (@ANI) January 18, 2020

ઇતિહાસ નહીં વર્તમાનની વાત કરે

સંજય રાઉતના નિવેદન પર કોંગ્રેસે હજુ સુધી કોઇ પ્રતિક્રિયા નથી આપી. પરંતુ સીએમ ઉદ્ધવ ઠાકરેના પુત્ર અને રાજ્ય સરકારમાં મંત્રી આદિત્ય ઠાકરેએ સ્પષ્ટતા આપી છે. આદિત્ય ઠાકરે કહ્યું કે, સંજય રાઉતના નિવેદન પર ગઠબંધન પર કોઇ અસર નહીં પડે. તેઓએ કહ્યું કે, રાઉતે જે સંદર્ભમાં નિવેદન આપ્યું છે, તેઓએ તે સ્પષ્ટ કરી દીધું છે. 

શિવસેના-કોંગ્રેસનું ગઠબંધન મજબૂત છે અને અમે રાજ્યના વિકાસ માટે સાથે આવ્યા છીએ. આદિત્યે કહ્યું કે, અમારી વચ્ચે કેટલાક મુદ્દા પર મતભેદ હોઇ શકે છે, પરંતુ લોકતંત્ર તેનુ જ નામ છે. ઇતિહાસની જગ્યાએ આપણે વર્તમાન મુદ્દા પર વાતચીત કરવાની જરૂર છે.