દેશમાં હવે ચૂંટણી કાર્ડને આધાર કાર્ડ સાથે જોડવાનું કામ 1 ઓગસ્ટથી શરૂ થવા જઈ રહ્યું છે, જેના માટેની સત્તાવાર જાહેરાત મહારાષ્ટ્રમાં ગઈ છે. આ કામ મહારાષ્ટ્રમાંથી શરૂ થશે.
દેશમાં હવે ચૂંટણી કાર્ડ સાથે આધાર કાર્ડ લિંક થશે
મહારાષ્ટ્રમાંથી 1 ઓગસ્ટના રોજ થશે શરૂઆત
સુપ્રીમ કોર્ટમાં આ મામલે ન થઈ સુનાવણી, હાઈકોર્ટમાં જવા આદેશ
મહારાષ્ટ્રના મુખ્ય ચૂંટણી અધિકારી (CEO) શ્રીકાંત દેશપાંડેએ જાણકારી આપતા કહ્યું કે, મહારાષ્ટ્રમાં હવેથી વોટર આઈડી સાથે આધાર કાર્ડને જોડવામાં આવશે. તેની સાથે જ રાજ્ય ચૂંટણી પંચ અધિકારી દેશપાંડેએ કહ્યું કે, તેના માટે 1 ઓગસ્ટ 2022થી સમગ્ર રાજ્યમાં પ્રક્રિયા શરૂ થઈ જશે.
શ્રીકાંત દેશપાંડેએ કહ્યું કે, મતદારોની ઓળખાણ સ્થાપિત કરવા અને મતદારોની યાદીને વેરિફાઈ કરવા માટે આ પગલું ઉઠાવવામાં આવ્યું છે. કારણ કે એકથી વધારે મતવિસ્તાર હોય અથવા તો એક જ મતવિસ્તારમાં એકથી વધારે એક નામવાળા વ્યક્તિના રજીસ્ટ્રેશનની ઓળખાણ કરવા માટે હવે વોટર આઈડી કાર્ડને આધાર કાર્ડ સાથે જોડવામાં આવશે. ભારતીય ચૂંટણી પંચ 1 ઓગસ્ટથી સમગ્ર રાજ્યમાં મતદાર ઓળખાણ પત્રને આધાર કાર્ડ સાથે જોડવાનું અભિયાન શરૂ કરશે.
સુપ્રીમ કોર્ટે સુનાવણી ન કરી, હાઈકોર્ટમાં જવા કહ્યું
બીજી બાજૂ સુપ્રીમ કોર્ટે સોમવારે કોંગ્રેસ નેતા રણદીપ સુરજેવાલાને મોટો ઝટકો આપ્યો છે. હકીકતમાં આધાર કાર્ડ સાથે વોટર આઈડી લિંક કરવાના કેન્દ્ર સરકારના નિર્ણયને પડકાર આપતી કોંગ્રેસ નેતાની અરજી પર સુપ્રીમ કોર્ટે સુનાવણી કરવાની ના પાડી દીધી છે. વડી અદાલતે કહ્યું કે, ચૂંટણી કાયદામાં સંશોધનને પડકાર સમાન અરજી દિલ્હી હાઈકોર્ટમાં વિચારાધીન છે. તેથી આવા સમયે અરજીકર્તાએ હાઈકોર્ટમાં જવું જોઈએ.
આધાર અને ચૂંટણી કાર્ડને જોડવાના વિવાદાસ્પદ કાયદાની વિરુદ્ધ સુપ્રીમ કોર્ટમાં પડકાર આપવામાં આવ્યો હતો. જેમાં કોંગ્રેસ નેતા રણદીપ સુરજેવાલાએ તેને રદ કરવાની માગ કરી હતી. અરજીમાં સુરજેવાલાએ કાયદાને અસંવૈધાનિક અને પ્રાઈવસીના અધિકાર અને સમાનતાના અધિકારનું ઉલ્લંઘન ગણાવ્યું છે. આ મામલે કોર્ટે સોમવારે સુનાવણી કરી હતી. જસ્ટિસ ડીવાઈ ચંદ્રચૂડની બેન્ચે આ મામલે સુનાવણી કરી હતી.