દેશની સૌથી મોટી વીમા કંપની LIC નવી નવી વીમા યોજના લાવતી રહે છે. આ વખતે ભારતીય જીવન વીમા નિગમે મહિલાઓ માટે રજૂ કરેલી વીમા યોજના ખૂબ જ ઝડપથી લોકપ્રિય થઈ રહી છે. ચાલો જાણીએ તેના વિશે.
LIC નવી નવી વીમા યોજના લાવતી રહે છે
આ વખતે LIC મહિલાઓ માટે નવી પોલિસી લઈને આવ્યું છે
આ પોલિસીને માત્ર એવી જ મહિલાઓ ખરીદી શકે છે, જેમની પાસે આધાર કાર્ડ છે
આ યોજનાનું નામ આધાર શિલા છે. આ પ્લાનના નામમાં આધાર શબ્દ જોડવા પાછળનો ખાસ હેતુ છે. આ પોલિસીને માત્ર એવી જ મહિલાઓ ખરીદી શકે છે, જેમની પાસે આધાર કાર્ડ છે. 1 ફેબ્રુઆરી 2020એ આધારશિલા પ્લાન લોન્ચ કરવામાં આવ્યું હતું. લાઇફ કવરની સાથે આ પોલિસી બચત પણ પૂરી પાડે છે. જો કોઈ મહિલા આ પોલિસીમાં 29 રૂપિયા રોજના રોકાણ કરે છે તો મેચ્યોરિટી પર તેમને 4 લાખ રૂપિયા મળશે. આ દરમિયાન આ પ્લાનમાં લોન પણ લઈ શકાય છે.
કેટલા સમય માટે લઈ શકાય છે પ્લાન
8થી લઈને 55 વર્ષની ઉંમની કોઈ પણ મહિલા આ પોલિસીને ખરીદી શકે છે. તેને 10 વર્ષની ટર્મ માટે લઈ શકાય છે. મહત્તમ અવધિ 20 વર્ષની છે. મેચ્યોરિટી પર મહિલાની ઉંમર 70 વર્ષથી વધુ ન હોવી જોઈએ.
વીમાની રકમ
આ પ્લાન હેઠળ મિનિમમ 75 હજાર રૂપિયાનો વીમો મળી શકે છે, જ્યારે મહત્તમ રકમ 30 લાખ રૂપિયા છે. પોલિસી હોલ્ડર, તેમાં એક્સીડન્ટ બેનિફિટનો રાઇડર લઈ શકે છે.
કેટલું પ્રીમિયમ હશે?
જો કોઈ મહિલાની ઉંમર 20 વર્ષ છે અને પોલિસીની અવધિ પણ 20 વર્ષ છે અને તેમણે 3 લાખ રૂપિયાનો વીમો લીધો છે તો તેમને વાર્ષિક લગભગ 10,649 રૂપિયાનું પ્રીમિયમ ભરવું પડશે.
મેચ્યોરિટી બેનિફિટ
મેચ્યોરીટી અવધિ પર તેમને 4 લાખ રૂપિયા મળશે. 2 લાખ રૂપિયા વીમા રકમ તરીકે અને બાકીની રકમ લોયલ્ટી બોનસ હશે.
પ્રીમિયમ પેમેન્ટ
આ પ્લાનમાં મંથલી, ક્વાર્ટરલી, હાફ-યરલી અને યરલી આધારે પ્રીમિયમ જમા કરાવી શકાય છે. જો તમે સમય પર પ્રીમિયમ ભરવાનું ભૂલી જાઓ છો તો 30 દિવસનો ગ્રેસ પીરિયડ મળે છે. પરંતુ, મંથલી પ્રીમિયમ ભરવાનું પસંદ કર્યું છે તો 15 દિવસનો જ ગ્રેસ પીરિયડ મળશે.
કેશ બેનેફિટ
જો પોલિસી શરૂ થવાના 5 વર્ષની અંદર પોલિસી હોલ્ડરનું મૃત્યુ થઈ જાય છે તો ઇશ્યોર્ડ રકમના બરાબર ચૂકવણી કરી દેવામાં આવશે. પરંતુ જો ત્યારબાદ મૃત્યુ થાય છે તો નોમિનીને ઇશ્યોર્ડ રકમ અને લોયલ્ટી બોનસ પણ મળશે.
સેટલમેન્ટ
મેચ્યોરિટી થવા પર તમે ઈચ્છો તો એક સાથે પૂરી ચૂકવણી પ્રાપ્ત કરી શકો છો અથવા પછી હપ્તામાં લઈ શકો છો.
સરેન્ડરકરવું
સતત બે વર્ષ સુધી પ્રીમિયમ જમા કરાવ્યા બાદ આ પોલિસીને કોઈપણ સમયે સરેન્ડર કરાવી શકાય છે.