આધાર કાર્ડનું મહત્વ દિવસેને દિવસે વધી જાય છે. કોઇ પણ સરકારી યોજનાનો લાભ ઉઠાવવા માટે આધારની જરૂર હોય છે. આ માટે આધારમાં સાચ્ચી જાણકારી આપવી જરૂરી છે. ઘણી વખત અજાણતાં આધારમાં ભૂલો થઈ જાય છે. તેમાંની કેટલીક ભૂલોને સુધારવા તમે કોઈપણ ડોક્યૂમેન્ટ્સ આપ્યા વગર તેને અપડેટ કરાવી શકો છો. આ લિસ્ટમાં નામ, ફોન નંબર, ઈ-મેઇલ ID, ફોટો, ફિંગર પ્રિન્ટ અને આંખોનું સ્કેનિંગ શામેલ છે.
ઑનલાઇન લઇ શકાશે આધાર સેવા કેન્દ્રમાં અપૉઇન્ટમેન્ટ:
આધારમાં એડ્રેસ છોડીને અન્ય કોઇપણ જાણકારી અપડેટ કરવા માટે આધાર સેન્ટર જવુ પડે છે. જો નવું આધાર કાર્ડ બનાવવા ઇચ્છો છો અથવા તો નવી ડિટેલ્સ અપડેટ કરવાની છે તો ઑનલાઇન અપૉઇન્ટમેન્ટ લઇ શકો છો. UIDAI દ્વારા સંચાલિત કરવામાં આવી રહેલા આધાર સેવા કેન્દ્રો (ASKs) પર પાસપોર્ટ સેવા કેન્દ્રોની જેમ ઑનલાઇન અપૉઇન્ટમેન્ટ બુકિંગની સુવિધા શરૂ કરી દીધી છે. આ વિશે UIDAI ટ્વીટની મદદથી જાણકારી આપી છે.
ઑનલાઇન અપડેટ કરવા માટે જરૂરી જાણકારી:
આધાર કાર્ડ ઑનલાઇન અપડેટ કરવા માટે તમારે પાસે એ મોબાઇલ નંબર હોવો જોઇએ, જેને તમે આધારની સાથે રજિસ્ટ્રર કરાવ્યો હોય ,કેમકે અપડેટની પ્રક્રિયા દરમિયાન મોબાઇલ નંબર પર OTP મોકલવામાં આવશે. તમારી પાસે તે મોબાઇલ નંબર નથી તો આધાર એનરોલમેન્ટ સેન્ટર પર જઇને અપડેટ કરાવી શકો છો. આ પછી તમે ઑનલાઇન આધાર કાર્ડ અપડેટ કરી શકો છો.
એક જ વખત થઇ શકે છે બર્થ ડે અપડેટ:
આધારમાં બર્થ ડેટ અને જાતિને માત્ર 1 વાર જ અપડેટ કરાવી શકાય છે. બર્થ ડેટ અપડેટ કરાવવા માટે પોતાની પાસે પુરાવા તરીકે તેનાથી સંબંધિત વેલિડ ડોક્યૂમેન્ટ લઇને આધાર સેન્ટર જવું પડશે.