કામની વાત / Aadhaarમાં નોંધેલો મોબાઈલ નંબર બંધ થઈ ગયો છે તો કરો આ કામ, થઈ જશે નવો નંબર અપડેટ

• આધાર કાર્ડને કરો અપડેટ
• બંધ થઈ ગયો છે રજિસ્ટર્ડ મોબાઈલ નંબર
• તો કરો આ પ્રોસેસ અને અપડેટ કરો નવો નંબર
   

આધાર કાર્ડ હવે અનેક જગ્યાએ એક જરૂરી ડોક્યૂમેન્ટ બન્યું છે. આધારની ડિટેલમાં સૌથી જરૂરી ચીજ છે મોબાઈલ નંબર, કેમકે મોબાઈલ નંબર સીધો આધાર કાર્ડ સાથે જોડાયેલો રહે છે. તેના મેસેજ સૌથી પહેલા તમારા આધારમાં રજિસ્ટર્ડ મોબાઈલ નંબર પર આવે છે. જો તમે આધારમાં રજિસ્ટર્ડ મોબાઈલ નંબર બંધ કર્યો છે અને નવો નંબર ચાલુ કર્યો છે તો આ ન્યૂઝ તમારા માટે ઉપયોગી બની શકે છે. 

ફોન નંબર રજિસ્ટર્ડ ન હોય તો અપડેશનમાં આવે છે મુશ્કેલીઓ
આધારમાં જાણકારી અપડેટ કરવામાં પણ ત્યારે તકલીફ આવે છે જ્યારે તમારો મોબાઈલ નંબર અપડેટ ન હોય કે પછી તમે તે નંબર યૂઝ કરવાનું બંધ કરી દીધું હોય. કેમકે આધાર કાર્ડમાં કરેક્શન કે અપડેટ માટે તમારી પાસે રજિસ્ટર્ડ નંબર પર ઓટીપી આવે છે. આ નહીં હોય તો તમારે અનેક મુશ્કેલીનો સામનો કરવો પડી શકે છે. આ માટે અહીં આપેલી ટ્રિકની મદદથી તમે તમારા બંધ થયેલા રજિસ્ટર્ડ નંબરને હટાવો અને સાથે નવો નંબર અપડેટ કરો તે જરૂરી છે.  

નજીકના આધાર સેન્ટર પર જાઓ
આધાર કાર્ડમાં મોબાઈલ નંબરને અપડેટ કરાવવા માટે તમે નજીકના આધાર સેન્ટર પર જાઓ. આ સાથે તમે તમારું આધાર કાર્ડ લઈને જાઓ તે જરૂરી છે. આધાર સેન્ટર પર તમારી સાથે પોતાનું આધાર કાર્ડ અપડેટ માટે હોવું જરૂરી છે. અહી જઈને તમે એડ અને અપડેટ મોબાઈલ નંબરને માટે ઓપ્શન પસંદ કરો. આ પછી તમારે 50 રૂપિયા ભરવાના રહે છે. તમે 1947 નંબર પર ફોન કરીને પણ જાણી શકો છો કે તમે ફોન નંબર અપડેટની જે રિકવેસ્ટ મોકલી હતી તેનું સ્ટેટસ શું છે.