આધાર કાર્ડમાં રજિસ્ટર્ડ કરેલો ફોન નંબર બંધ થઈ ગયો છે તો તમારે તેને સરળ રીતે ફટાફટ અપડેટ કરાવી લેવો જરૂરી છે. તો જાણો પ્રોસેસ.
બંધ થઈ ગયો છે Aadhaar માં રજિસ્ટર્ડ કરેલો મોબાઈલ નંબર
જાણો શું છે નવો નંબર અપડેટ કરવાની પ્રોસેસ
આજે જ કરી લો આ ખાસ જરૂરી કામ
આધાર કાર્ડ હવે દરેક વ્યક્તિ માટે એક જરૂરી ડોક્યૂમેન્ટ બની ગયું છે. આધારની ડિટેલ્સમાં સૌથી જરૂરી ચીજ છે મોબાઈલ નંબર, કેમકે તમારો મોબાઈલ નંબર સીધો આધાર કાર્ડ સાથે જોડાયેલો હોય છે. એવામાં આધાર સાથે જોડાયેલું કોઈ કામ કરાવો છે તો તેનો મેસેજ સોથી પહેલા મોબાઈલ નંબર પર આવશે. પણ જો આધારમાં તમારો રજિસ્ટર્ડ કરેલો મોબાઈલ નંબર બંધ થઈ ગયો છે તો અથવા તમે તે નંબરને યૂઝ કરવાનું બંધ કર્યું છે તો આ ન્યૂઝ તમારા માટે છે.
જો તકલીફ રહે છે તો જાણો કારણ
Aadhaarમાં જાણકારી અપડેટ કરવામાં તકલીફ ત્યારે જ આવે છે જ્યારે તમારો મોબાઈલ નંબર અપડેટ હોય તે બંધ થઈ ગયો હોય. કેમકે આધાર કાર્ડમાં કોઈ પણ કરેક્શન કે અપડેટ માટે તમારે ઓટીપી રજિસ્ટર્ડ નંબર પર જ મેળવવાનો રહે છે. એવામાં નંબર અપડેટ નહીં હોય ત તમારે અનેક મુશ્કેલીઓનો સામનો કરવો પડી શકે છે. આ માટે અમે તમને મોબાઈલ નંબરને અપડેટ કરવાની સરળ રીત આપી રહ્યા છીએ.
નજીકના આધાર સેન્ટર પર જાઓ
આધાર કાર્ડમાં મોબાઈલ નંબર અપડેટ કરાવવા માટે તમે નજીકના આધાર સેન્ટર પર જઈ શકો છો. આ સમયે સાથે આધાર કાર્ડ લઈને જાઓ. આધાર સેન્ટર પર તમને એડ અને અપડેટ મોબાઈલ નંબરનું ઓપ્શન પસંદ કરવાનું રહેશે. આ માટે તમારે 50 રૂપિયાની ફી પણ આપવાની રહે છે. આ સાથે 1947 પર કોલ કરીને પણ તમે જાણી શકો છો કે તમારા નંબરને અપડેટ કરવા માટે તમે જે રીકવેસ્ટ મોકલી છે તેનું સ્ટેટસ શું છે.