Alert / UIDAIએ આધારમાં એડ્રેસ અપડેટ કરવા માટે બંધ કરી દીધી આ સુવિધા, જાણો હવે શું કરવું

• આધાર ધારકો માટે કામના સમાચાર
• UIDAI હવે આ સુવિધા બંધ કરી દીધી
• હવે તમામ નાગરિકોએ પોતાનું સરનામું બદલવા કરવું પડશે આ કામ

ઓથોરિટીએ ટ્વિટ કરીને જણાવ્યું કે હવે આ સુવિધા બંધ કરી દેવામાં આવી છે. UIDAIએ ટ્વિટ કર્યું હતું કે એડ્રેસ વેલિડેશન લેટર સુવિધા આગામી આદેશ સુધી બંધ કરવામાં આવી રહી છે. જેથી હવે તમામ નાગરિકોએ પોતાનું સરનામું બદલવા માટે અગાઉ આપેલી યાદીમાં કોઈપણ એક દસ્તાવેજ આપવો પડશે.

UIDAI અનુસાર આ સુવિધા બંધ થવાથી એ લોકોને પરેશાની થશે જેમની પાસે સરનામું અપડેટ કરવા માટે કોઈ દસ્તાવેજ નથી. એ પણ કહ્યું કે તમે તમારા આધાર કાર્ડમાં એડ્રેસને પ્રૂફ દ્વારા ઓફલાઇન અને ઓનલાઇન બંને રીતે અપડેટ કરી શકો છો. ઓનલાઇન એડ્રેસ અપડેટ માટે તમારે UIDAIની સત્તાવાર વેબસાઇટ ssup.uidai.gov.in/ssup/ પર જવું પડશે. ચાલો જાણી લો ઓનલાઈન કઈ રીતે એડ્રેસ અપડેટ કરવું. 

આ રીતે કરો ઓનલાઈન અરજી

• UIDAI વેબસાઇટ પર જાઓ અને '‘Proceed to Update Aadhaar’ પર ક્લિક કરો.
• આ પછી તમારો 12 અંકનો આધાર નંબર દાખલ કરો. પછી સુરક્ષા કોડ અથવા કેપ્ચા કોડ દાખલ કરો.
• એ પછી સેન્ડ ઓટીપી ઓપ્શન સિલેક્ટ કરો. 
• તમારા આધાર સાથે નોંધાયેલા મોબાઇલ નંબર પર એક OTP મોકલવામાં આવશે, તે દાખલ કરો.
• પછી લોગિન પર ક્લિક કરો. 
• લોગિન કરતી વખતે તમારા આધારની ડિટેલ્સ સ્ક્રીન પર દેખાશે. 
• પછી તેમાં એડ્રસ બદલી ગો અને આપેલા 32 દસ્તાવેજોમાંથી કોઈપણ એકની સ્કેન કરેલી કોપી અપલોડ કરો અને સબમિટ કરો.

આ રીતે કરો ઓફલાઈન અરજી

• તમારા નજીકના આધાર કેન્દ્રની મુલાકાત લઈને આધાર કાર્ડ અપડેટ ફોર્મ ભરો.
• ફોર્મ સબમિટ કરો અને વેરિફિકેશન માટે તમારા બાયોમેટ્રિક્સ આપો.
• કર્મચારી તમને એક રિસીપ્ટ આપશે, જેમાં અપડેટ રિક્વેસ્ટ નંબર (URN) હશે.
• આ યુઆરએનનો ઉપયોગ કરીને આધાર અપડેશન સ્ટેટસ ટ્રેક કરી શકાય છે.