બદલાવ / હવે આધારમાં એડ્રેસ ચેન્જ કરાવવામાં થશે મુશ્કેલી, UIDAIએ નિયમોમાં કરી દીધો આ મોટો બદલાવ

• આધાર ધારકો માટે જરૂરી સમાચાર
• UIDAIએ આધારમાં એડ્રેસ ચેન્જ કરાવવાના નિયમમાં ફેરફાર કર્યો
• એડ્રેસ પ્રૂફ વિના એડ્રેસ ચેન્જ નહીં થાય

તમને જણાવી દઈએ કે, હવે આધારમાં એડ્રેસ પ્રૂફ વિના આધારમાં એડ્રેસ અપડેટ નહીં કરાવી શકાય. અગાઉ UIDAIએ આ નિયમોમાં છૂટ આપી હતી, પરંતુ હવે UIDAIએ નિયમોમાં ફરી બદલાવ કર્યા છે. UIDAIએ ટ્વિટ કરીને આ અંગે જાણકારી આપી છે. 

UIDAIએ ટ્વિટમાં લખ્યું છે કે આ નિયમ બદલાયા બાદ હવે આધાર કાર્ડમાં એડ્રેસ ચેન્જ કરતા પહેલાં તમારે ડોક્યૂમેન્ટની લિસ્ટ ચેક કરવી પડશે અને આ ડોક્યૂમેન્ટ્સની મદદથી જ તમે આધારમાં એડ્રેસ અપડેટ કરાવી શકો છો. ચાલો જાણીએ કઈ રીતે આધારમાં એડ્રેસ ચેન્જ કરાવવું. 

આ રીતે ઓનલાઈન અરજી કરો

• UIDAI વેબસાઇટ પર જાઓ અને '‘Proceed to Update Aadhaar’ પર ક્લિક કરો.
• આ પછી તમારો 12 અંકનો આધાર નંબર દાખલ કરો. પછી સુરક્ષા કોડ અથવા કેપ્ચા કોડ દાખલ કરો.
• એ પછી સેન્ડ ઓટીપી ઓપ્શન સિલેક્ટ કરો. 
• તમારા આધાર સાથે નોંધાયેલા મોબાઇલ નંબર પર એક OTP મોકલવામાં આવશે, તે દાખલ કરો.
• પછી લોગિન પર ક્લિક કરો. 
• લોગિન કરતી વખતે તમારા આધારની ડિટેલ્સ સ્ક્રીન પર દેખાશે. 
• પછી તેમાં એડ્રસ બદલી ગો અને આપેલા 32 દસ્તાવેજોમાંથી કોઈપણ એકની સ્કેન કરેલી કોપી અપલોડ કરો અને સબમિટ કરો.

આ રીતે ઓફલાઈન અરજી કરો

• તમારા નજીકના આધાર કેન્દ્રની મુલાકાત લઈને આધાર કાર્ડ અપડેટ ફોર્મ ભરો.
• ફોર્મ સબમિટ કરો અને વેરિફિકેશન માટે તમારા બાયોમેટ્રિક્સ આપો.
• કર્મચારી તમને એક રિસીપ્ટ આપશે, જેમાં અપડેટ રિક્વેસ્ટ નંબર (URN) હશે.
• આ યુઆરએનનો ઉપયોગ કરીને આધાર અપડેશન સ્ટેટસ ટ્રેક કરી શકાય છે.