સુવિધા / ખોવાઇ ગયુ છે આધાર, તો ઘરે બેઠા માત્ર 50 રૂપિયામાં કરાવો રિ-પ્રિન્ટ

જોકે આ માત્ર ઑનલાઇન UIDAIvની સત્તાવાર વેબસાઇટ www.uidai.gov.in  પર જવાનું રહેશે.

જે ધારકો પાસે પહેલાથી આધાર કાર્ડ છે અને કોઇ કારણોસર ખોવાઇ ગયુ છે તેઓ પોતાનું આધાર કાર્ડ જૂના આધાર નંબરની સાથે પાછુ મેળવી શકે છે. જે ધારકોના મોબાઇલ નંબર આધાર કાર્ડની સાથે રજિસ્ટર્ડ અથવા લિંક નથી તે લોકો પણ અરજી કરી શકે છે.

આ પહેલા આધાર કાર્ડ ખોવાઇ જવા પર રિ-પ્રિન્ટ નહતુ કરાવી શકતુ. હવે UIDAIની વેબસાઇટ પર તેનુ ઇ-વર્ઝન ડાઉનલોડ કરવાનું રહેતુ અને તેને આઇડેન્ટિટીના પ્રૂફ તરીકે રજૂ કરવાનું રહેતુ હતુ. 

#OrderAadhaarReprint Service is available on https://t.co/O8VS8MPnEi for a nominal charge of Rs.50/- (inclusive of GST & speed post charges).The payment can be made using Credit/ Debit Card, Net Banking or UPI. pic.twitter.com/qdxAWh54GO

— Aadhaar (@UIDAI) May 29, 2019

રિ-પ્રિન્ટ કરવા કેટલી ફી ચૂકવવી પડશે?

UIDAIની વેબસાઇટ અનુસાર હવે કોઈપણ વ્યક્તિ ફક્ત 50 રૂપિયા (GST અને સ્પીડ પોસ્ટ ચાર્જ સહિત) ચૂકવીને ફરીથી પોતાનું આધાર કાર્ડ રિ-પ્રિન્ટ કરાવી શકે છો. આ રિ-પ્રિન્ટેડ આધાર કાર્ડને પાંચ વર્કિંગ ડેની અંદર ઈન્ડિયા સ્પીડ પોસ્ટના માધ્યમથી તમારા નોંધાયેલા સરનામા પર મોકલી દેવામાં આવશે. તમે તમારું આધાર કાર્ડ ફરીથી રિ-પ્રિન્ટ કરવવા પોતાનો આધાર નંબર અથવા વર્ચ્યુઅલ ઓળખ નંબર (VID)નો ઉપયોગ કરી શકો છો.

જોકે આધાર રિ-પ્રિન્ટની અરજી કરતા પહેલા તમારો મોબાઇલ નંબર આધાર ડેટાબેઝમાં રજિસ્ટર્ડ હોવો જોઇએ. કારણ કે વન ટાઇમ પાસવર્ડ (OTP) તમારા આ જ રજિસ્ટર્ડ નંબર પર આવશે. પરંતુ જો તમારો મોબાઇલ નંબર પર આધાર સાથે રજિસ્ટર્ડ ના હોય તેવી સ્થિતિમાં તમે નોન રજિસ્ટર્ડ મોબાઇલ નંબરના માધ્યમથી પોતાનું આધાર કાર્ડ રિ-પ્રિન્ટ કરવાની અરજી કરી શકો છો. જોકે, રે તમે વિગતોનું પૂર્વાવલોકન કરવામાં અસમર્થ રહેશો.

આધાર કાર્ડ રિ-પ્રિન્ટ કરવા ફૉલો કરો આ સ્ટેપ્સ:

-આધાર કાર્ડની સત્તાવાર વેબસાઇટ uidai.gov.in પર જાઓ. 

-આધાર સર્વિસ હેઠળ ઓર્ડર આધાર રિ-પ્રિન્ટ પર ક્લિક કરો. 

- આટલું કરતા જ એક નવી ટેબ તમારા કોમ્પ્યૂટર સ્ક્રીન પર ઓપન થશે. તમારે તમારા 12 ડિજિટનો આધાર નંબર એન્ટર કરવાનો રહેશે અથવા 16 ડિજિટવાળો આઈડી નંબર અને સિક્યોરિટી કોડ નાખવાનો રહેશે. જો તમારો મોબાઇલ નંબર UIDAIના ડેટાબેઝમાં તમારા આધાર નંબર સાથે રજિસ્ટર્ડ નથી ત્યારે તેનો ઈશારો કરતાં બોક્સને સિલેક્ટ કરો. 

- જો તમારો નંબર રજિસ્ટર્ડ છે તો સેન્ડ OTP ઓપ્શન પર ક્લિક કરો. જેનો મોબાઇલ નંબર રજિસ્ટર્ડ નથી તેઓ પણ પોતાનો મોબાઇલ નંબર નાખે. OTP તમારા રજિસ્ટર્ડ મોબાઇલ નંબર પર મોકલવામાં આવશે. આ OTP માત્ર 10 મિનિટ માટે જ માન્ય રહેશે.

-OTP એન્ટર કરો અને ટર્મ એન્ડ કન્ડિશનવાળાં બોક્સને સિલેક્ટ કરો. હવે સબમિટ બટન પર ક્લિક કરો. 

-એકવાર OTP એન્ટર કર્યા પછી તમે તમારી આધાર ડિટેઇલ્સ વેરિફાય કરી શકશો. 

- એકવાર આધાર ડિટેઇલ વેરિફાય થઈ જાય પછી તમારે મેક પેમેન્ટ ઓપ્શન પર ક્લિક કરવાનું રહેશે. ત્યારબાદ તમે સીધા પેમેન્ટ ગેટવે પર રિડાયરેક્ટ થઈ જશો.

- તમે પેમેન્ટ માટે ક્રેડિટ કાર્ડ, ડેબિટ કાર્ડ, નેટ બેંકિંગ અથવા UPI વગેરે જેવા વિકલ્પોનો ઉપયોગ કરી શકો છો. તમારે આધાર કાર્ડ રિ-પ્રિન્ટ કરાવવા માટે માત્ર 50 રૂપિયા આપવા પડશે. પેમેન્ટ ડિટેઇલ એન્ટર કરો અને પે નાઉ પર ક્લિક કરો. 
- એકવાર પેમેન્ટ સક્સેસફુલ થઈ જાય પછી તમારી સ્ક્રીન પર એક એક્નોલેજમેન્ટ દેખાશે. તમે આ એક્નોલેજમેન્ટ સ્લિપ ડાઉનલોડ પણ કરી શકો છો. તેનો મેસેજ તમારા રજિસ્ટર્ડ મોબાઇલ નંબર પર મોકલવામાં આવશે. આધાર લેટર આપવામાં આવેલ સરનામાં પર પહોંચી જશે. 

- અરજદાર વધુ જાણકારી માટે UIDIની સત્તાવાર વેબસાઇટ પર લોગ ઇન કરી શકે છે. આધાર કાર્ડમાં કોઇ પ્રકારના ફેરફાર માટે પણ 25 રૂપિયાની ચૂકવણી કરીને ઓનલાઇન અરજી કરી શકાય છે.