જરૂરી વાત / ઘરે બેઠા આધાર કાર્ડને આ સિમ્પલ સ્ટેપ્સથી કરો સિક્યોર, લીક નહીં થાય તમારો બાયોમેટ્રિક ડેટા

• આધાર કાર્ડને આ રીતે કરો લોક 
• તમારો બાયોમેટ્રિક્સ ડેટા નહીં થાય લિક 
• જાણો આ સિમ્પલ સ્ટેપ્સ વિશે 

પાછલા થોડા વર્ષોમાં આધારનો ઉપયોગ આપણા જીવનમાં ખૂબ જ વધી ગયો છે. લગભગ દરેક જગ્યા પર આધાર કાર્ડને ઓળખ પત્રના રૂપમાં ઉપયોગમાં લેવામાં આવે છે. આધાર કાર્ડમાં આપણી બાયોમેટ્રિક જાણકારી એટલે કે ફિંગરપ્રિંટની જાણકારી અને આંખોની કીકીની જાણકારી આપવામાં આવે છે. એવામાં આ બાકીના દરેક ડોક્યુમેન્ટ્સ કરતા અલગ હોય છે. પાછલા અમુક સમયમાં ઘણા એવા કેસ સામે આવ્યા છે જ્યારે આધાર કાર્ડનો ડેટા ચોરીને સાઈબર ફ્રોડ કરવામાં આવ્યો હોય. એવામાં આધાર કાર્ડ જાહેર કરનાર કંપની UIDAI આધારને લોક અને અનલોક કરવાની સુવિધા આપે છે. 

તેનાથી તમારા બાયોમેટ્રિક ઓથેન્ટિકેશનનો ખોટો ઉપયોગ નહીં કરવામાં આવે. UIDAIએ જણાવ્યું છે કે બાયોમેટ્રિકને લોક કરવાથી તમારા ડેટાનો ખોટો ઉપયોગ નહીં કરી શકાય. આવો અમે તમને આધાર કાર્ડના બાયોમેટ્રિક લોક કરવા અને અનલોક કરવાની રીત વિશે જણાવીએ. 

આ રીતે કરો આધાર ડેટા લોક 

• આધારના બાયોમેટ્રિક ડેટા લોક કરવા માટે તમારે સૌથી પહેલા UIDAIની ઓફિશ્યલ વેબસાઈટ પર જવું પડશે. 
• ત્યાર બાદ My Aadhaarના ઓપ્શન પર ક્લિક કરો. 
• તેમાં તમે આધાર લોક અથવા અનલોક ઓપ્શન પર ક્લિક કરો. 
• ત્યાર બાદ તમે આધાર કાર્ડ અને Captcha નોંધો. 
• ત્યાર બાદ તમારે Registered મોબાઈલ નંબર દાખલ કરવાનો રહેશે. 
• ત્યાર બાદ OTP દાખલ કરો. 
• Submit ઓપ્શન પર ક્લિક કરો. તમારુ આધાર લોક થઈ જશે. 

આ રીતે આધારને કરો અનલોક 

• આધારને અનલોક કરવા માટે તમારે uidai.gov.in પર જવાનું રહેશે. 
• બાદમાં My Aadhaar પર ક્લિક કરો. 
• ત્યાર બાદ અનલોક ઓપ્શન પર ક્લિક કરો. 
• ત્યાર બાદ ઓટીપી નાખો આધાર અનલોક થઈ જશે.