હવે તમારે પોતાના ઘરનાં મુખ્ય વ્યક્તિની અનુમતીથી ઓનલાઇન અડ્રેસ અપડેટ કરવાનું રહેશે. વિના સહમતિ, તમે આધારમાં સરનામું નહીં બદલી શકો.
આધારમાં સરનામું બદલવું હવે સરળ
UIDAIએ આપી તમામ માહિતી
સરનામાને પરિવારનાં મુખ્ય વ્યક્તિ સાથે જોડવામાં આવશે
જો તમે તમારા આધાર કાર્ડમાં સરનામું અપડેટ કરવા ઈચ્છો છો તો તમારે તમારા ઘરનાં મુખ્ય વ્યક્તિ પાસેથી અનુમતી લેવી પડશે. આ પ્રોસેસ વિના તમે આધારમાં સરનામું નહીં બદલી શકો. કારણકે UIDAIએ હવે દેશનાં તમામ નાગરિકો માટે પરિવારનાં મુખ્ય વ્યક્તિની સહમતિથી આધારમાં સરનામું ઓનલાઇન અપડેટ કરવાની પરવાનગી આપી છે. અરજદારોએ આ માટે 50રૂ.નો ચાર્જ પણ ચૂકવવો પડશે.
UIDAIએ કરી જાહેરાત
UIDAIએ એક ઓફિશિયલ સ્ટેટમેન્ટમાં જણાવ્યું કે અરજદાર અને પરિવારનાં મુખ્ય સદસ્ય બંનેનું નામ અને તેમના વચ્ચેના સંબંધનો ઉલ્લેખ કરતાં રાશન કાર્ડ, માર્કશીટ, મેરેજ સર્ટિફિકેટ, પાસપોર્ટ વગેરે જેવા સંબંધ દસ્તાવેજોનાં પુરાવાઓ રજૂ કર્યાં બાદ નવી પ્રક્રિયા શરૂ કરવામાં આવશે.
.@UIDAI enables ‘Head of Family’ based online address update in Aadhaar
Residents can update address in Aadhaar online with the consent of their Head of Family
પરિવારજનો સાથે જોડી શકાશે પોતાનું સરનામું
UIDAI દ્વારા અરજદાર પરિવારનાં મુખ્ય વ્યક્તિ દ્વારા સ્વ-ઘોષણા પત્ર પ્રસ્તુત કરે છે. જેની પાસે પોતાના આધારમાં સરનામું અપડેટ કરવા માટે પોતાનાં નામ પર સહાયક દસ્તાવેજ નથી તો તેવી સ્થિતિમાં આધારમાં પરિવારનાં મુખ્ય વ્યક્તિ આધારિત ઓનલાઇન અડ્રેસ અપડેટ કરવું એક નિવાસીનાં સંબંધીઓ, બાળકો, પતિ-પત્ની, માતા-પિતા વગેરે માટે ઘણું મદદગાર રહેશે. 18 વર્ષ કે તેથી વધુ ઉંમરના કોઇપણ નિવાસી આ ઉદેશ્યને લઇને આ પ્રક્રિયાનાં માધ્યમથી પોતાના કે પોતાના સંબંધીની સાથે પોતાનું સરનામું જોડી શકે.
આ રીતે થઇ શકશે અપડેટ
ઑનલાઇન અડ્રેસ અપડેટ કરવા કરવા માટે અરજદારે My Adhaar પોર્ટલ પર જવું.
નિવાસીએ HOF હેડ ઓફ ફેમિલીની આધાર સંખ્યા નોંધાવવા માટેની પરવાનગી મળશે. જેને માન્ય કરવામાં આવશે.
HOFની ગુપ્તતા જાળવી રાખવા માટે HOFનાં આધારની કોઇ અન્ય જાણકારી સ્ક્રીન પર પ્રદર્શિત કરવામાં આવશે નહીં.
પરિવારનાં મુખ્ય વ્યક્તિનાં આધારની સંખ્યાની ચેકિંગ બાદ નિવાસીને સંબંધ અંગેનાં દસ્તાવેજ અપલોડ કરવાનાં રહેશે.
અરજદારોએ આ સેવા માટે 50 રૂપિયાનું શુલ્ક ચૂકવવું પડશે.
ફી ભર્યા બાદ એક સેવા અનુરોધ સંખ્યા SRN નંબર નિવાસીની સાથે જોડવામાં આવશે.
આ અરજી વિષયક માહિતી પરિવારનાં મુખ્ય સદસ્યને પણ SMS દ્વારા આપવામાં આવશે.