કરો તપાસ / તમારા આધાર કાર્ડનો ઉપયોગ કરીને કોઈ અજાણ્યું તો નથી યૂઝ કરી રહ્યું ને સિમકાર્ડ, જાણો આ રીતે

• તમારા આધાર નંબર પર કેટલાં સિમ કાર્ડ એક્ટિવેટ છે, આ રીતે જાણી શકશો
• સરકારે એક પોર્ટલ પણ તૈયાર કર્યુ, યુઝર્સ બધા ફોન નંબરોની કરી શકે છે તપાસ
• જે નંબરનો ઉપયોગ કરતા નથી તેવા નંબરને સરળતાથી અલગ પણ કરી શકો છો

તમારા આધાર નંબર પર કેટલાં સિમ કાર્ડ એક્ટિવેટ છે, તે જાણી શકશો

જો તમે તેમાંથી કોઈ પણ સિમ કાર્ડનો ઉપયોગ કરતા નથી તો તેને તમે બંધ કરાવી શકો છો. તમારા આધાર નંબર પર કેટલાં સિમ કાર્ડ એક્ટિવેટ છે. આ વાતની ભાળ મેળવવા માટે સરકારે એક પોર્ટલ પણ તૈયાર કર્યુ છે. ટેલિકોમ વિભાગે તાજેતરમાં એક પોર્ટલ ટેલિકૉમ એનાલિટિક્સ ફોર ફ્રોડ મેનેજમેન્ટ એન્ડ કન્ઝ્યુમર પ્રોટેક્શન લોન્ચ કર્યુ છે. આ પોર્ટલ દ્વારા યુઝર્સ પોતાના આધાર નંબર સાથે જોડાયેલા બધા ફોન નંબરોની તપાસ કરી શકે છે. 

આ વેબસાઈટ પરથી માહિતી મેળવી શકશો

TAFCOP વેબસાઈટ દ્વારા તમે સરળતાથી માહિતી મેળવી શકો છો કે તમારા આધાર કાર્ડ પર અત્યાર સુધી કેટલા સિમકાર્ડ વપરાયા છે. જો કોઈ મોબાઈલ નંબર તમારી જાણ બહાર તમારા આધાર નંબર સાથે લિન્ક્ડ છે તો તમે તેની ફરિયાદ પણ કરી શકો છો. આ સિવાય તમે પોતાના જૂના અને અનયુજ્ડ એટલેકે જેનો ઉપયોગ નથી કરતા તેવા નંબરને સરળતાથી પોતાના આધાર નંબરથી અલગ પણ કરી શકો છો. 

કેવીરીતે ચેક કરશો લિંક્ડ SIM?

પોતાના આધાર સાથે લિન્ક્ડ મોબાઈલ સિમ અંગે જાણવા માટે તમારે સૌથી પહેલાં https://tafcop.dgtelecom.gov.in/ પર જવુ પડશે.
અહીં પોતાનો ફોન નંબર નાખવો પડશે.
ત્યારબાદ તમારે ‘Request OTP’ બટન પર ક્લિક કરવુ પડશે.
ત્યારબાદ તમારે પોતાના મોબાઈલ નંબર પર આવેલા ઓટીપીને મુકવો પડશે.
પછી તમારા આધાર નંબર સાથે જોડાયેલા દરેક નંબર વેબસાઈટ પર જોવા મળશે.
જ્યાં યુઝર્સ એવા નંબરોને રિપોર્ટ અને બ્લોક કરી શકે છે, જે તેના ઉપયોગમાં નથી અથવા હવે તેની જરૂર નથી.