તમારા કામનું / બેંકની પાસબુકથી આધાર ધારકોનું આ જરૂરી કામ થઈ જશે, ફટાફટ જાણી લો પ્રોસેસ

• આધાર ધારકો માટે કામના સમાચાર
• UIDAI આધાર ધારકોને વિવિધ સુવિધાઓ પ્રદાન કરે છે
• બેંક પાસબુકથી તમારું સરનામું બદલાઈ શકશે

UIDAIએ એક ટ્વિટમાં આધારકાર્ડ ધારકો વિશે માહિતી આપી છે. UIDAIએ ટ્વિટમાં લખ્યું છે- તમે પણ બેંક પાસબુકની મદદથી આધારમાં સરનામું અપડેટ કરવા માંગો છો? તેના માટે તમારી બેંક પાસબુકમાં તમારી તસવીર પર બેંક દ્વારા સ્ટેમ્પ લગાવેલો હોવો જોઈએ અને તેના પર સિગ્નેચર કરેલી હોવી જોઈએ. આ વિના બેંક પાસબુકને માન્ય દસ્તાવેજ માનવામાં આવશે નહીં. યુઆઈડીએઆઈ 44 અન્ય દસ્તાવેજો દ્વારા આધારમાં સરનામાંને અપડેટ કરે છે.

અન્ય કયા દસ્તાવેજો આધાર કાર્ડમાં સરનામું બદલી શકાય છે?

પાસપોર્ટ, ભાડા કરાર, બેંક સ્ટેટમેન્ટ અથવા પાસબુક, ડ્રાઇવિંગ લાઇસન્સ, ટેલિફોન બિલ, વીજળી બિલ, પાણીનું બિલ, મતદાર ઓળખ કાર્ડની મદદથી તમે તમારા આધાર કાર્ડમાં સરનામું બદલી શકો છો. બધાં 44 દસ્તાવેજોની માહિતી યુઆઈડીએઆઈની વેબસાઇટ પર આપવામાં આવી છે.

#AadhaarUpdateChecklist
Using Bank Passbook for Address update in Aadhaar? Ensure that your photo in the passbook is stamped & signed by the bank. Without this, it is not considered a valid document. UIDAI accepts 44 other documents as proof of address (https://t.co/peDkUsdDBZ) pic.twitter.com/ngp4uNzbyd

— Aadhaar (@UIDAI) September 3, 2020

આ રીતે આધારમાં ઓનલાઈન સરનામું અપડેટ કરો

• સૌથી પહેલાં UIDAIની વેબસાઈટ https://uidai.gov.in/ પર જાઓ. અહીં My Adhaar ટેબ મળશે. ડ્રોપડાઉનના બીજા ટેબ Udate Your Aadhaarમાં જઈ ડ્રોપડાઉનમાં ત્રીજા ઓપ્શન Update your address online પર ક્લિક કરો. 
• અહીં ક્લિક કરવા પર નવો પેજ ઓપન થશે. અહીં Proceed to Update Address પર ક્લિક કરો. ત્યારબાદ નવો પેજ ખુલશે. 
• આ પેજ પર સૌથી પહેલાં તમારો આધાર નંબર, કેપ્ચા વેરિફિકેશન નાખીને સેન્ડ ઓટીપી પર ક્લિક કરો. તમારા રજિસ્ટર્ડ નંબર પર એક ઓટીપી આવશે. 
• ઓટીપીને એન્ટર કરો. ત્યારબાદ Data Update Request પર ક્લિક કરો. ત્યારબાદ એડ્રેસવાળા ઓપ્શન પર ક્લિક કરતાં જ એડ્રેસ ચેન્જ થઈ જશે.