જો તમે બેંક એકાઉન્ટ ખોલાવવાનું કે પછી આધાર કાર્ડમાં એડ્રેસ ચેન્જ કરાવવાનું વિચારી રહ્યા છો તો તમારા માટે આ કામની વાત છે. કેન્દ્રની નરેન્દ્ર મોદી સરકારે આધારમાં એડ્રેસ ચેન્જ કરાવવાની પ્રક્રિયામાં બદલાવ કર્યો છે. જાણી લો આ નવી પદ્ધતિ અને કરી લો ઓનલાઈન અરજી સરળ રીતે.
બેંક એકાઉન્ટ ખોલાવવાનું થયું સરળ
આધારમાં એડ્રેસ ચેન્જ કરાવવામાં રહેશે સરળતા
કેન્દ્ર સરકારે પ્રક્રિયામાં કર્યો મોટો બદલાવ
સેલ્ફ ડેક્લરેશન આપીને આધારમાં કરી શકાશે એડ્રેસ ચેન્જ
કેન્દ્ર સરકારે બેંક એકાઉન્ટ પ્રોસેસ અને આધારમાં એડ્રેસ બદલવાની પ્રક્રિયાને લઈને કેટલાક બદલાવ લાવ્યા છે. જેના કારણે તમે ફક્ત સેલ્ફ ડેક્લરેશન આપીને પણ આધાર કાર્ડમાં એડ્રેસ ચેન્જ કરાવી શકો છો. સરકારના આ નિર્ણયનો સૌથી મોટો ફાયદો એ લોકોને થશે જે કામકાજને માટે એક રાજ્યથી અન્ય રાજ્યમાં આવતા રહે છે.
પ્રવાસીઓને મળશે રાહત
કેટલાક લોકોને બેંકનું એકાઉન્ટ ખોલાવવામાં અનેક તકલીફોનો સામનો કરવો પડતો હતો. નવા નિયમો બાદ હવે પ્રવાસી આધારકાર્ડમાં જે સરનામું હશે તેના આધારે બેંકનું એકાઉન્ટ ખોલાવી શકાશે. તેના માટે ફક્ત વર્તમાન સરનામાનું સેલ્ફ ડેક્લરેશન આપવાનું રહેશે.
આ કારણે કરાયો છે ફેરફાર
ઉલ્લેખનીય છે કે સરકારની તરફથી આ ફેરફાર મની લોન્ડ્રિંગ રોકથામે લઇને કરવામાં આવ્યો છે, અનેક સેક્ટરોમાં સતત માંગ ઊઠી રહી છે કે કેવાઈસીમાં આપવામાં આવેલા આધાર કાર્ડ પર નોંધવામાં આવેલા હાલના સરનામાનો સ્વીકાર કરવામાં આવે. આ કારણે જ નાણાંમંત્રાલયે આ નિર્ણય લીધો છે.
આ રીતે ઓનલાઈન કરો એડ્રેસ ચેન્જ
જો કે હાલમાં તો UIDAIની અધિકૃત વેબસાઈટ પર સેલ્ફ ડેકલરેશનનું ઓપ્શન જોવા મળી રહ્યું નથી. પરંતુ ઓનલાઈન એડ્રેસ ચેન્જ કરવા માટે https://uidai.gov.in/ પર વિઝિટ કરવાનું રહે છે. આ સિવાય અન્ય સ્ટેપમાં My Aadhaar ટેબ પર જઈને Update Yourn Aadhaarમાં જાઓ અને અહીં ડ્રોપડાઉનમાં ત્રીજા ઓપ્શન Update Your Address Online પર ક્લિક કરવાનું રહે છે.
આ પછી એક નવું પેજ ખુલશે. અહીં નીચે તમને Proceed to Update Addressનું ઓપ્શન મળશે. તેની પર ક્લિક કરો. આવનારા દિવસોમાં અહીં તમને સેલ્ફ ડેક્લરેશનનું ઓપ્શન પણ જોવા મળી શકે છે.