સુરત / ચા પીવો પણ અવાજ ઑછો કરો એવું કહેતા જ વોન્ટેડ બુટલેગર અને તેના સાગરીતો યુવક પર તૂટી પડ્યા, જુઓ VIDEO

• સુરતના વરાછા વિસ્તારમાં બુટલેગર બન્યા બેફામ
• વોન્ટેડ બુટલેગર કરણ અને સાગરિતોએ કર્યો હુમલો
• વરાછા પોલીસે 2 આરોપીની કરી અટકાયત

સુરતના વરાછા વિસ્તારમાં આવેલ પટેલ નગરમાં વોન્ટેડ બુટલેગર કરણ અને સાગરિતો આતંક મચાવી રહ્યા છે. ચા પીવાની સાથે અવાજ ઓછો કરવાનું આ બદમાશોને કહેતા યુવક પર જીવલેણ હુમલો કરી દીધો હતો. નજીવી બાબતે કરાયેલા આ હુમલામાં ચપ્પુ પડે યુવકને ઘાયલ કરી દેવામાં આવ્યો હતો. એક સામટે વોન્ટેડ બુટલેગર કરણ સાથે આવેલા લુખ્ખા તત્વોએ યુવકને માર મારી પાડી દીધો હતો. 

અવાજ ઑછો કરો એવું કહેતા જ યુવક પર કર્યો હુમલો
વાત વિસ્તારે કરીએ તો વિશાલ પટેલ અને તેના મિત્રો થોડા દિવસ પહેલા પટેલ નગર ખાતે આવેલી ચાની દુકાન પર ચાની મોજ માણી રહ્યા હતા તેવામાં વોન્ટેડ બુટલેગર કરણ અને સાગરિતો પણ ત્યાં હાજર હતા. ચા પીતા પિતા આ અસામીક તત્વો મોટે મોટેથી મનફાવે તેમ બૂમરાડ કરતાં હતા જેથી વિશાલે તેમણે શાંતિ ચા પીવો અવાજ ઑછો કરો તેવી ટકોર કરી હતી.જુઓ VIDEO

સુરત : ચા પીવો પણ અવાજ ઓછો કરો એવું કહેતા જ વોન્ટેડ બુટલેગર અને તેના સાગરીતો યુવક પર તૂટી પડ્યા, જુઓ VIDEO#Surat pic.twitter.com/tnBfQF9SFG

— VTV Gujarati News and Beyond (@VtvGujarati) September 13, 2022

CCTV ફૂટેજમાં ઘટના કેદ
સમગ્ર ઘટનાના સીસીટીવી પણ બહાર આવ્યા છે જેમાં રસ્તા વચ્ચે 4-5 ઈસમો યુવક પર તૂટી પડ્યા હોય તેવુ સ્પષ્ટ દેખાઈ રહ્યું છે.  આ શખ્સો અભદ્ર ભાષાનો ઉપયોગ કરી બાદમાં ઢોર માર મારવા માંડ્યા હતા.

2 આરોપીની ધરપકડ
જે બાદ વિશાલ પટેલ અને તેના મિત્રો પર ચાર જેટલા અજાણ્યા યુવકોએ માર મારવાની સાથે ચપ્પા વડે જીવલેણ હુમલો કર્યો હતો. જે બાદ ઘાયલ હાલતમાં વિશાલ રોડ પર ઢળી પડ્યો હતો તે બાદ પણ ઈસમો તેણે લાતો મારતા હતા અને અપશબ્દો બોલતા હતા.ઘટનાને પગલે વરાછા પોલીસ મથકમાં ફરિયાદ નોંધાવવામાં આવી હતી. વરાછા પોલીસે CCTVના આધારે હુમલો કરનાર બે જેટલા યુવકોની ધરપકડ કરી છે.